News
Լրահոս
News
Երկուշաբթի
Հունիս 27
USD
408.56
EUR
430.54
RUB
7.67
Տեսնել լրահոսը

Հայաստանի հեռահաղորդակցության ոլորտի «Ռոստելեկոմ» ապրանքանիշը ներկայացնող «Ջիէնսի-Ալֆա» ընկերության բաժնետոմսերի առքուվաճառքի գործարքը, ՍիվիլՆեթի տեղեկություններով, տապալվել է, և ընկերության վաճառքի հեռանկարը անորոշ է։ Պատճառը փետրվարի ռուս-ուկրաինական պատերազմն է, իսկ ավելի կոնկրետ՝ ռուսական ընկերությունների դեմ արևմտյան պատժամիջոցները։

Հայաստանյան «Ջիէնսի-Ալֆա»-ն ռուսական «Ռոստելեկոմ»-ի դուստր ընկերություններից է։ «Ռոստելեկոմ»-ի մայր ընկերության հիմնական բաժնետերը ռուսական պետական գերատեսչություններ են, ներառյալ «ՎՏԲ» բանկը։

«Ջիէնսի-Ալֆա»-ի ձեռքբերման գործըթնացը սկսվել էր նոյեմբերից, ՍիվիլՆեթը գրել էր, որ ընկերության գնորդը Կիպրոսում գրանցված Molitro holdings limited ընկերությունն է, որի բաժնետերերից մեկը ռուսաստանաբնակ գործարար Սամվել Կարապետյանին պատկանող «Հայաստանի էլեկտրական ցանցեր»-ն է, իսկ մյուս բաժնետերը՝ Արման Ունանյանը, որը Պետեկամուտների կոմիտեի նախկին նախագահ Գագիկ Խաչատրյանի որդիների բիզնեսների հետ փոխկապակցված անձ է։ Խաչատրյանի որդիներն ու Կարապետյանը նաև ներգրավված են հեռահաղորդակցության մեկ այլ օպերատորի՝ «Յուքոմ»-ի բաժնետերերի ցանկում։

«Ռոստելեկոմ»-ի նախագահ Միխայիլ Օսեևսկին հունվարին հայտարարել էր, որ «Ջիէնսի-Ալֆա»-ի նախնական գինը 25 միլիոն դոլար է։ Ընկերության գնորդները խոստացել էին առաջիկա հինգ տարիներին ներդնել 2,5 միլիարդ դրամ։

Հայաստանի Մրցակցության պաշտպանության հանձնաժողովը, ինչպես նաև Հանրային ծառայությունները կարգավորող հանձնաժողովը համաձայնություն էին տվել այս գործարքին։

Հայաստանյան «Ռոստելեկոմ»-ի գլխավոր տնօրեն Հայկ Ֆարամազյանը ՍիվիլՆեթի հետ զրույցում ասաց՝ ընկերության վաճառքը չի կայացել։ «Չեմ կարող մեկնաբանել, չգիտեմ՝ ինչի հետ է կապված»,- նշեց Ֆարամազյանը։ Վերջինիս խոսքով՝ ընկերության ներկա բաժնետերերը, նաև ընկերությունը, ինչպես նախկինում, այնպես էլ այժմ շարունակում է իր բնականոն գործունեությունը։

«Ռոստելեկոմ»-ը Հայաստանի քաղաքներում ունի 92 տոկոս ներկայություն, տվյալների հաղորդման օպտիկական համակարգեր, 3 000-կիլոմետրանոց ցանց։

 Մանրամասները՝ ՍիվիլՆեթում։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ձեռներեցության Աշխարհի Գավաթ 2022-ի ազգային փուլի դիմումներն արդեն ընդունվում են (ֆոտո)
Արդեն երկրորդ տարին անընդմեջ մենք ձգտում ենք EWC Հայաստանը դարձնել իսկապես համազգային միջոցառում...
Հատուկ առաջարկ Team-ի բաժանորդներին` 50 Cent-ի, ZAZ-ի և Led Zeppelin Symphonic-ի համերգների համար (ֆոտո)
Առաջարկից օգտվելու համար ընկերության բաժանորդները պետք է 4545 կարճ համարին SMS-ով ուղարկեն «Team» բառը...
Վանաձորում բացվեց Team Telecom Armenia-ի զանգերի կենտրոնը (ֆոտո)
Մենք ցանկանում ենք մեր գործունեության սահմաններում նպաստել մարզերի զարգացմանը...
Team․նոր տիեզերական արագություններ COMBO և COSMO փաթեթներում
COSMO և COMBO փաթեթների վերաբերյալ հավելյալ տեղեկություն կարելի է ստանալ՝ այցելելով Team Telecom-ի կայք...
ՀՌՀ-ին 2021-ին հատկացվել է ավելի քան 315 մլն դրամ. Ֆիննախ
Կատարողականը կազմել է 97.3 տոկոս...
Եթե ուզում են քարոզչական գործիքներ լինել, կարող են յութուբյան ալիքներ բացել. Տիգրան Հակոբյանը՝ հեռուստաաիքների մասին
Եթե լրատվական հաղորդման 90 տոկոսը տրվում է մեկ թեմայի, դա արդեն քարոզչություն է, ոչ թե լրատվություն...
Ֆոտոռեպորտաժներ