Չինաստանի դատարանը մահապատժի է դատապարտել ԱՄՆ քաղաքացի Շադիդ Աբդուլմատինին՝ նրա 21-ամյա նախկին ընկերուհու կանխամտածված սպանության համար, հաղորդել է CCTV պետական հեռուստաալիքը։
Իր վճռում Չժեցզիան նահանգի Նինգբո միջանկյալ ժողովրդական դատարանը նշել է, որ 2019թ․ հունիսին զույգի բաժանման շուրջ ծագած վեճից հետո ամբաստանյալը պայմանավորվել է տուժողի հետ հանդիպել Նինգբո քաղաքի ավտոբուսի կանգառում, որտեղ նրան սպանել է «ծալովի դանակով»։
Դատարանը որոշել է, որ «վրեժխնդրությունից ելնելով կանխամտածված սպանության համար ամբաստանյալը նողկալի դրդապատճառներ է ունեցել, վճռական մտադրություն եւ դաժան միջոցներ, իսկ հանցագործության հանգամանքները հատկապես վատն են եղել, հետեւանքները՝ հատկապես ծանր եւ պետք է պատժվեն օրենքով սահմանված կարգով», հաղորդել է CCTV-ն։