«Արեւելյան գործընկերության» դեսպան Բրիս Ռոքֆեյը հաջորդ շաբաթ պաշտոնական այցով կմեկնի Բաքու, ասվում է Ֆրանսիայի ԱԳՆ հաղորդագրության մեջ, փոխանցում է Turan-ը։ Հիշեցնենք, որ խոսքը ԵԱՀԿ Մինսկի խմբի ֆրանսիացի համանախագահի մասին է, սակայն Ֆրանսիայի ԱԳՆ-ն չէր օգտագործում պաշտոնի այս անվանումը։
Այցը կլինի տարածաշրջանային շրջագայության շարունակությունը, որը մեկնարկել էր ապրիլի 11-ին Երեւան կատարած այցով։ Փարիզը ողջունում է Հայաստանի եւ Ադրբեջանի ԱԳ նախարարների ուղիղ երկխոսությունը եւ սահմանային հարցերով եւ խաղաղության պայմանագրի կնքման երկկողմ հանձնաժողով ստեղծելու երկու երկրների որոշումը։ Ֆրանսիան մտադիր է աջակցել այս գործընթացին, ասվում է հաղորդագրության մեջ:
Համանման առաքելությամբ ապրիլի 28-29-ը Բաքու կայցելի նաեւ Հարավային Կովկասի եւ Կենտրոնական Ասիայի հարցերով ՆԱՏՕ-ի գլխավոր քարտուղարի հատուկ բանագնաց Խավիեր Կոլոմինան։ Ավելի վաղ նա այցելել էր Երեւան եւ Թբիլիսի:
