Կորեական թերակղզու հարցերով Չինաստանի կառավարության հատուկ ներկայացուցիչ Լյու Սյաոմինը հայտարարել է, որ Պեկինը չի ցանկանում լարվածության սրում տեսնել Կորեական թերակղզում։ Հայտարարությունն արվել է մայիսի 3-ին Կորեական թերակղզում խաղաղության եւ անվտանգության հարցերով Կորեայի Հանրապետության հատուկ ներկայացուցիչ Ռո Կյու Դոկի հետ հանդիպման ժամանակ, գրում է ՏԱՍՍ-ը։
Լյու Սյաոմինը նշել է, որ Չինաստանը հավանություն չի տալիս որեւէ կողմի գործողություններին, որոնք կարող են սրել իրավիճակը։
Ավելի վաղ Ճապոնիայի իշխանությունները բողոք էին հայտնել ԿԺԴՀ կառավարությանը մայիսի 4-ին բալիստիկ հրթիռի արձակման կապակությամբ:
«Հրթիռի թռիչքի առավելագույն բարձրությունը մոտ 800 կիլոմետր էր, այն թռել է մոտ 500 կիլոմետր՝ ենթադրաբար Ճապոնիայի բացառիկ տնտեսական գոտուց դուրս ընկնելով»,- ասել է Ճապոնիայի պաշտպանության փոխնախարարը։ Արձակման կապակցությամբ Տոկիոն բողոք է հայտնել Փհենյանին Պեկինում դեսպանատան միջոցով։
ԿԺԴՀ-ի հրթիռի արձակման վերաբերյալ ճապոնական կողմից այլ մեկնաբանություններ առայժմ չեն տրվում։
