Եվրոպան գնալով վերածվում է կոկաինի արտադրության եւ այլ տարածաշրջաններ փոխադրման կենտրոնի, թեեւ այն արդեն թմրանյութի սպառման հիմնական շուկան է, փոխանցում է Reuters-ը:
ԵՄ իրավապահ մարմնի՝ Եվրոպոլի եւ թմրանյութերի հարցերով զբաղվող EMCDDA գործակալության համատեղ հաշվետվության համաձայն՝ կանեփից հետո կոկաինն ամենից շատ սպառվող թմրանյութն է Եվրոպայում: Այն օգտագործում են միլիոնավոր մարդիկ, 2020 թ. վաճառքի ծավալները կազմել են 10.5 մլրդ եվրո:
Եվրոպական շուկան աճում է Հարավային Ամերիկայում արտադրության ծավալների մեծացման, ինչպես նաեւ հենց Եվրոպայում դեղամիջոցային հումքի վերամշակման հնարավորությունների ընդլայնման հաշվին: Զեկույցում ասվում է, որ այն կարող է աճել նոր տեսակների ի հայտ գալով:
ԵՄ գործակալությունների տվյալների համաձայն՝ Բելգիան կենտրոնական տեղ է գրավում ոլորտում: Հենց այդ երկիրն է ամենից շատ կոկաին առգրավել 2020 թ.՝ ընդհանուր առմամբ 70 տոննա:
Բելգիան Նիդեռլանդների եւ Իսպանիայի հետ միասին առաջատար է նաեւ կոկաինի վերամշակման հարցում:
Եվրոպական գործակալությունները նախազգուշացրել են, որ Եվրոպան մետամֆետամինի առաջատար արտադրողն է ողջ աշխարհում:
