News
Լրահոս
News
Շաբաթ
Հունիս 25
USD
408.56
EUR
430.54
RUB
7.67
Տեսնել լրահոսը

Մեղրի համայնքի սահմանամերձ Նռնաձոր գյուղում մայիսի 8-ին տեղի ունեցավ դպրոցին կից վերակառուցված բացօթյա մարզադաշտի բացման արարողությունը: Աշխատանքներն իրականացվել են «Յունիբանկ» ԲԲԸ-ի ֆինանսական աջակցությամբ:

Մարզադաշտի բացման արարողությանը ներկա էին Մեղրի համայնքի ղեկավար Բագրատ Զաքարյանը, տարածաշրջանի հոգևոր հայր տեր Ռաֆայելը, Նռնաձոր գյուղի վարչական ղեկավար Ալեքսան Բոյաջյանը, Մեղրիի Զարգացման հիմնադրամի հոգաբարձուների խորհրդի նախագահ Արմեն Սաքապետոյանը, Յունիբանկի Վարչության նախագահի տեղակալ Գուրգեն Ղուկասյանը, տեղական ինքնակառավարման մարմնի ներկայացուցիչները և գյուղի բնակիչները:

«Տևական ժամանակ է, ինչ Յունիբանկը սահմանամերձ շրջաններում իրականացնում է դպրոցների աջակցման իր ծրագիրը: Մեր անմիջական մասնակցությամբ մարզերի դպրոցներում բացվել են տասնյակից ավելի համակարգչային դասարաններ, «Արմաթ» լաբորատորիաներ, վերակառուցվել են մարզադաշտեր, և այլն: Այս անգամ մեծ սիրով ընդունեցինք Մեղրիի զարգացման հիմնադրամի առաջարկը՝ աջակցել Նռնաձորի մարզադաշտի վերակառուցմանը: Երիտասարդ սերնդի մասին հոգ տանելը մեզանից յուրաքանչյուրի պարտքն է»,- նշեց «Յունիբանկ» ԲԲԸ-ի Վարչության նախագահի տեղակալ Գուրգեն Ղուկասյանը:

«Անգամ փոքր ուշադրությունը կարևոր է և ոգևորիչ: Եվս մեկ անգամ շնորհակալություն եմ հայտնում մեր բոլոր գործընկերներին, մասնավորապես «Յունիբանկ» ԲԲԸ ղեկավարությանը, ովքեր աջակցեցին այս նախագծի կյանքի կոչմանը: Փոքր քայլերով, բայց հաստատակամ գնում ենք մեր նպատակաների իրագործմանը, այն է՝ հզոր ու շեն սահմանամերձ գյուղեր, հաղթանակած Հայրենիք»,-բացման հանդիսավոր արարողությանը նշեց Հիմնադրամի հոգաբարձուների խորհրդի նախագահ Արմեն Սաքապետոյանը:

Ծրագրի նպատակն էր՝ Նռնաձոր գյուղում ունենալով ժամանակակից ու հարմարավետ մարզադաշտ՝ զարկ տալ մասսայական սպորտին, ստեղծել երեխաների ժամանցի համար ևս մեկ հնարավորություն: Ծրագիրը կրում էր նաև սոցիալական բաղադրիչ՝ շինարարական աշխատանքներում ներգրավված էր Նռնաձոր գյուղի բնակչությունը:

Միջոցառումն ավարտվեց Մեղրիի Մարզամշակութային կենտրոնի սաների երաժշտական համարներով ու հյուրասիրությամբ:

Տպել
Կարդացեք նաև
Ամբողջը
Աշխատակիցները՝ բաժնետերեր. որո՞նք են այս մոդելի առավելությունները
«Աշխատակիցների բաժնետիրացում». ինչով է այն առավել պարգեւավճարներից...
Ռուսաստանյան բանկերը դադարեցնում են արտարժույթով հաշիվներ բացելը
«Սովկոմբանկ»-ը, ՊՍԲ-ն, «Ռոսբանկ»-ը եւ մի շարք այլ բանկեր դադարեցնում են արտարժույթով հաշիվներ բացելը...
Այս փուլում հնարավորինս նվազագույն կլինի տնտեսավարողների բեռը.ԿԲ նախագահը՝ անկանխիկ վճարումների մասին
Կառավարության հետ համատեղ համաձայնության արդյունքում վճարային տերմինալներով վճարվող գումարները ևս, եթե դրանք փոխանցվում են միանգամից...
ԿԲ նախագահը Վահագն Խաչատուրյանին ներկայացրել է արժութային շուկայում հակամրցակցային դրսևորումները
Հանրապետության նախագահ Վահագն Խաչատուրյանն այսօր հանդիպում է ունեցել Կենտրոնական բանկի նախագահ Մարտին Գալստյանի հետ…
Դրամի արհեստական արժեզրկումը լուծում չէ, լուծումը եզակի լինելն է. Մենք դեռ ճգնաժամի մեջտեղում ենք. ԿԲ նախագահ
Մենք գտնվում ենք մի ճգնաժամի միջնամասում, որը մեզ հետ չէր պատահել առնվազն վերջին 40-50 տարիների ընթացքում, ուստի գիտենք, որ կա գնաճ կոչվող մի երեւույթ...
Մենք լքում ենք միայն Վրաստանը, իսկ Հայաստանում եւ Ադրբեջանում մնում ենք․ ՎՏԲ-ի ղեկավար
Նա նաեւ պատասխանել է SWIFT-ի անջատված համակարգում բանկերի աշխատանքի մասին հարցին․․․
Ֆոտոռեպորտաժներ