Ադրբեջանում բլոգեր Էյվազ Յահյաօղլուն, որը նաեւ Ադրբեջանի ազգայնական դեմոկրատական կուսակցության (ANDP) անդամ է, ձերբակալվել է 28 օրով։
Յահյաօղլուն ձերբակալվել է մայիսի 9-ին, Turan-ին հայտնել է APDP-ի նախագահ Գալանդար Մուխթարլին։
APDP-ն համոզված է, որ ակտիվիստը հետապնդվում է իր յութուբյան ալիքում հրապարակումների համար։ Մուխթարլիի խոսքով՝ Յահյաօղլուն հրապարակել է Շիրվանում քաղաքացիների իրավունքների ոտնահարման, պետական ունեցվածքի վատնման, քաղաքացիների բողոքների նկատմամբ պաշտոնյաների անտարբերության փաստերը։ «Նրան մի քանի անգամ զգուշացրել են, որ դադարի քննադատել։ Եվ վերջում ձերբակալեցին նրան»,-ասել է Մուխթարլին։ Միաժամանակ նա ուշադրություն է հրավիրել այն փաստի վրա, որ Յահյաօղլուն 1992-94 թթ․ առաջին ղարաբաղյան պատերազմի վետերան է։ Իր հերթին, Յահյաօղլուին պետության հաշվին նշանակած փաստաբան Ռուսլան Միրզոեւը նշել է, որ իր պաշտպանյալն իրեն մեղավոր չի ճանաչում։