ՌԴ ԱԳՆ-ն զգուշացնում է ՆԱՏՕ-ին Ֆինլանդիայի անդամակցության դեպքում ռազմատեխնիկական պատասխանի մասին։ Այս մասին ասվում է ՌԴ ԱԳՆ-ի կայքում տեղադրված հաղորդագրության մեջ։
Նշվում է, որ Ֆինլանդիայի հնարավոր անդամակցությունը ՆԱՏՕ-ին լուրջ վնաս կհասցնի Մոսկվայի և Հելսինկիի հարաբերություններին։
«Ռուսաստանը ստիպված կլինի պատասխան քայլեր ձեռնարկել՝ ինչպես ռազմատեխնիկական, այնպես էլ այլ բնույթի, որպեսզի դադարեցնի իր ազգային անվտանգությանը սպառնացող վտանգները»,-ասվում է հաղորդագրության մեջ։
Ավելի վաղ ՌԴ նախագահի խոսնակ Դմիտրի Պեսկովն ասել է, որ այդպիսով մայրցամաքն ավելի կայուն եւ անվտանգ չի դառնա։