Հյուսիսային Կորեայի առաջնորդ Կիմ Չեն Ընին դիմակով պատկերող կադրերն առաջին անգամ հայտնվել են երկրի պետական ԶԼՄ-ներում, տեղեկացրել է հարավկորեական «Ռյոնհափ» գործակալությունը։
Գործակալությունը հրապարակել է կադր հյուսիսկորեական Կենտրոնական հեռուստատեսության սյուժեից՝ Հյուսիսային Կորեայի Աշխատանքային կուսակցության կենտրոնական կոմիտեի քաղբյուրոյի ութերորդ նիստի մասին, որը տեղի է ունեցել մայիսի 12-ին։ Նիստը գումարվել է այն համատեքստում, որ Հյուսիսային Կորեայի պետական լրատվամիջոցները տեղեկացրել էին երկրում կորոնավիրուսով վարակման առաջին դեպքի հայտնաբերման մասին։ Կիմ Չեն Ընը կադրում սպիտակ-կապտավուն հասարակ բժշկական դիմակով է։ Ընդ որում՝ Հյուսիսային Կորեայի կենտրոնական հեռագրական գործակալությունը հրապարակել է լուրեր, որոնցում Կիմ Չեն Ընը պատկերված է առանց դիմակի։
«Նախագահ Կիմ Չեն Ընը հանել է դիմակը նիստում ելույթի ժամանակ եւ այն դրել է սեղանին։ Առաջին անգամ է, որ Կիմ Չեն Ընը ներկայացվել է դիմակով»,- նշել է «Ռյոնհափ» գործակալությունը։