Ֆրանսիայի հրապարակում քիչ առաջ մեկնարկեց «Դիմադրության շարժման» երթը, որը ուղղություն վերցրեց դեպի դատախազության շենք:
Եևրթից առաջ «Հայաստան» խմբակցության պատգմավոր Արամ Վարդևանյանը հիշեցրեց, որ արցախյան 44-օրյա պատերազմում զոհված զինծառայողների ծնողները դիմել էին դատախազություն, որպեսզի ստանան տուժողի դատավարական կարգավիճակ, ինչպես նաև պահանջել էին, որ Նիկոլ Փաշինյանին ներգրավվեն որպես մեղադրյալ։
«Առաջին պահանջը բավարարվել է մի քանի օր առաջ, չնայած այս մարդիկ դա պահանջում էին նոյեմբերի 9-ից սկսած։ Հիմա ծնողները հավաքվում են գլխավոր դատախազության դիմաց՝ պահանջելու, որ Նիկոլ Փաշինյանը ձերբակալվի»,-ասաց Վարդևանյանը՝ առաջարկելով երթով շարժվել դեպի դատախազություն կանգնելու ծնողների կողքը, միանալու պահանջին, քանի որ նրանց պահանջն արդար է։
Մասնակիցները անցան Սայաթ-Նովա-Աբովյան-Վազգեն Սարգսյան փողոցներով եւ հասան դատախազության մոտ:
Այստեղ ելույթ ունեցավ «Հայաստան» խմբակցության պատգամավոր Արթուր Ղազինյանը, ով նշեց, որ զոհված զինծառայողների ծնողներն ուզում են մեկ բան՝ պատժ-ել իրենց որդիների անժամանակ մահվան մեջ մեղավոր անձանց. «Այդ մարդիկ իմաստուն են, նրանք արդեն 10 պայքարում են, որպեսզի պետական դավաճանության հետեւանքով զոհված իրենց որդիների հոգիները խաղաղվեն»:
Նա նկատեց, որ այս գործը 1,5 տրում տեղից չի շարժվել. «Բայց իրենց համառ պայքարի արդյունքում դատախազի ցուցումով իրենց տրվեց տուժողի իրավահաջորդի կարգավիճակ: Սա առաջին փոքրիկ հաղթանակն է: Հետագայում քրգործը վերցվեց Սասուն Խաչատրյանի գլխավորած հակակոռուպցիոն կոմիտեից եւ տրվեց Քննչական կոմիտեին: Զոհված զինծառայողների ծնողների պաշտպանը պահանջել է, որ Նիկոլ Փաշինյանը հարցաքննվի: Նրանք իրենց փաստաբանի միջոցով ներկայացրել են նոր պահանջ՝ հարցաքննության կանչելուց հետո եւ դրա արդյունքներով անհապաղ ձերբակալել Նիկոլ Փաշինյանին: Ձերբակալումը պարտադիր է, որովհետեւ նա յուրաքանչյուր պահի կարող է դիմել փախուստի»,-ասաց Ղազինյանը:
«Ինչու պետք է ձերբակալվի Նիկոլ Փաշինյանը, որովհետե նա՝ զբաղեցնելով վարչապետի պաշտոնը, ունի բոլոր հնարավորությունները խոչընդոտելու նախաքննության, ազդելու նախաքննության ընթացքի վրա, ինչը հաստատված է իր կողմից արված բազմաթիվ հայտարարություններով: «Դատավոր կա՞, որ չանի իմ ասածը», նաև դատախազին, ԲԴԽ անդամներին կառավարություն կանչելը․․․ Սրանք հաստատված հանգամանքներ են։ Հետևաբար, Փաշինյանին ձերբակալելու ներկայացված պահանջը առավել քան օրինական է և հիմնավոր։ Պետք է կանխել Նիկոլ Փաշինյանի փախուստը Հայաստանի Հանրապետությունից»,- ասաց Արթուր Ղազինյանը։
Արթուր Ղազինյանը նաեւ տեղեկացրեց, որ առաջիկայում Նիկոլ Փաշինյանը կկանչվի հարցաքննության. «Դա իր համար շատ վախենալու բան է: Ինքը վխենում է հարցաքննություններից: Նիկոլ Փաշինյանի բոլորի պես քաղաքացի է, երբ մեզ հանչում են քննչական մարմնից, մենք ներկայանում ենք, ոչ թե քննիչին կանչում ենք մեզ մոտ: Հետեւաբար դատախազից խնդրում ենք, որ հատշաճ հսկողություն իրականացնի, որ Նիկոլ Փաշինյանն անձամբ ներկայանա քննչական մարմին: Դա պետք է իրականացվի արագ, խելամիտ ժամկետներում: Այնպես որ հաղթանակը մոտ է, առանց Նիկոլ Հայաստանը երեւում է»:
