News
Լրահոս
News
Կիրակի
Մայիս 22
USD
458.98
EUR
485.74
RUB
7.81
Տեսնել լրահոսը

ԱՄՆ կառավարության չորս բարձրաստիճան պաշտոնյաներ այս շաբաթ ժամանել են Տալլին, որպեսզի հանդիպեն Էստոնիայի կառավարության ներկայացուցիչների հետ եւ մասնակցեն քաղաքացիական հասարակության կողմից կազմակերպված միջոցառումներին, հայտնում է էստոնական ERR տեղեկատվական պորտալը։

Մասնավորապես, Տալլին են ժամանել ԱՄՆ Ազգային հետախուզության տնօրեն Ավրիլ Հեյնսը, պաշտպանության նախարարի միջազգային անվտանգության հարցերով օգնական Սելեստա Վոլանդերը, ԵԱՀԿ-ում ԱՄՆ մշտական ներկայացուցիչ Մայքլ Քարփենթերը եւ Բելառուսի Հանրապետությունում ԱՄՆ դեսպան Ջուլի Ֆիշերը։

Ավրիլ Հեյնսը Տալլին ժամանել է Էստոնիայի բարձրագույն պաշտոնյաների հետ տարբեր հանդիպումներ եւ միջոցառումներ անցկացնելու, ինչպես նաեւ առանձին կհանդիպի կանանց հետ, որոնք Էստոնիայում պետական ծառայության մեջ են: Էստոնիայի նախագահ Ալար Կարիսը, վարչապետ Կայա Կալլասը եւ արտաքին գործերի նախարար Եվա-Մարիա Լիիմեցը երկկողմ հանդիպումներ են ունեցել Ավրիլ Հեյնսի հետ։

Սելեստա Վոլանդերը ժամանել է Տալլին, որպեսզի հանդիպի Էստոնիայի կառավարության ներկայացուցիչների, այդ թվում՝ արտաքին գործերի նախարարության կանցլեր Ջոնաթան Վսեւյովի, պաշտպանության նախարարության կանցլեր Կուստի Սալմի եւ պաշտպանության նախարարության այլ պաշտոնյաների հետ։ Վոլանդերը մասնակցում է նաեւ Պաշտպանության եւ անվտանգության միջազգային կենտրոնի (ICDS) կազմակերպած Լենարտ Մերիի համաժողովին։

Իր այցի ընթացքում Մայքլ Քարփենթերը կհանդիպի Էստոնիայի արտաքին գործերի նախարար Եվա-Մարիա Լիիմեցի եւ արտգործնախարարության կանցլեր Ջոնաթան Վսեւյովի, ինչպես նաեւ կառավարության այլ պաշտոնյաների հետ։ Դեսպանը մասնակցում է նաեւ Լենարտ Մերիի համաժողովին։

Ջուլի Ֆիշերը երկուշաբթի եւ երեքշաբթի կայցելի Տալլին՝ արտաքին գործերի նախարարությունում եւ նախագահի ու վարչապետի գրասենյակներում նա կհանդիպի կառավարության բարձրաստիճան պաշտոնյաների հետ: Իր այցի ընթացքում դեսպան Ֆիշերը կհանդիպի նաեւ Էստոնիայում բելառուսական սփյուռքի անդամների հետ եւ ելույթով հանդես կգա Տալլինի «YouTube-ը հանուն ժողովրդավարության» գագաթաժողովում, որպեսզի ընդգծի Բելառուսի Հանրապետությունում ժողովրդավարության եւ մարդու իրավունքների խթանման հարցում ԱՄՆ կառավարության հանձնառությունը:

 

!
Այս նյութը հասանելի է նաև   Русский
Տպել
Ֆոտոռեպորտաժներ