Թուրքիան պարզ հասկացրել է, որ մտադրություն չունի արգելափակելու Ֆինալանդիայի եւ Շվեդիայի անդամակցությունը ՆԱՏՕ-ին, CNN-ի հետ զրույցում հայտարարել է Հյուսիսատլանտյան դաշինքի գլխավոր քարտուղար Ենս Սթոլթենբերգը:
«Այդ իսկ պատճառով վստահ եմ, որ մենք կկարողանանք այնպես լուծել խնդիրները, որոնց մասին բարձրաձայնել է Թուրքիան, որ անդամակցության գործընթացը չձգձգվի: Իմ մտադրությունն է արագ եւ օպերատիվ գործընթաց սկսել, որի ընթացքում բանակցությունների սեղանի շուրջ կնստենք Ֆինլանդիայի եւ Շվեդիայի հետ, եթե նրանք հայտ ներկայացնեն: Այնուհետեւ կաշխատենք այն ուղղությամբ, որ վավերացման ընթացակարգը 30 խորհրդարանում շատ արագ անցնի», - ընդգծել է Սթոլթենբերգը:
ՆԱՏՕ-ի քարտուղարը միեւնույն ժամանակ ընդգծել է, որ դա որոշակի ժամանակ կխլի: