Հավաքական անվտանգության պայմանագրի կազմակերպության (ՀԱՊԿ) երկրները կամրապնդեն նրա ներուժը՝ կապված մարտահրավերների եւ սպառնալիքների բազմակի աճի հետ։ Այս մասին Մոսկվայում ՀԱՊԿ հոբելյանական գագաթաժողովի բացման ժամանակ հայտարարել է Տաջիկստանի նախագահ Էմոմալի Ռահմոնը։
«Հաշվի առնելով անվտանգությանը սպառնացող մարտահրավերների եւ սպառնալիքների բազմակի աճը՝ մենք պետք է ավելացնենք համատեղ ջանքերը՝ կազմակերպության ներուժն ու կարողությունները ուժեղացնելու համար»,- ասել է Ռահմոնը:
«Աֆղանստանի օրինակով մենք տեսնում ենք, որ վերջին չորս տասնամյակների ընթացքում կուտակվել են բացասական գործոններ, որոնք նպաստել են այս երկրում ռազմաքաղաքական եւ սոցիալ-տնտեսական իրավիճակի վատթարացմանը։ Այս առումով ՀԱՊԿ-ը պետք է պատրաստ լինի հարավային սահմաններում իրավիճակի զարգացման տարբեր սցենարների»,- հավելել է նա։
