Շվեդիայի, Ֆինլանդիայի եւ Թուրքիայի արտգործնախարարներ Անն Լինդը, Պեկկա Հաավիստոն եւ Մեւլութ Չավուշօղլուն կհանդիպեն Անկարայում, որպեսզի քննարկեն սկանդինավյան երկրների անդամակցությունը ՆԱՏՕ-ին։ Այս մասին երկուշաբթի օրը հայտնել է SVT հեռուստաալիքը՝ հղում անելով թագավորության արտաքին գործերի նախարարությանը։
Հանդիպմանը Թուրքիան նախատեսում է պարզաբանել դաշինքին Շվեդիայի եւ Ֆինլանդիայի անդամակցության վերաբերյալ իր առարկությունները, հայտնում է ՏԱՍՍ-ը։
Ինչպես ավելի վաղ հայտարարել էր Լինդը, ինքը «խորապես հավատում է», որ թյուրիմացությունները կհարթվեն եւ «չեն խանգարի հայտը ներկայացնելու գործընթացին»:
Ֆինլանդիան եւ Շվեդիան, որոնց անդամակցությունը ՆԱՏՕ-ին այս փուլում չի աջակցում Թուրքիան, հրաժարվել են բավարարել Անկարայի խնդրանքը՝ կապված հանրապետությունում ահաբեկչական ճանաչված խմբավորումների գործունեությանը մասնակցության մեջ կասկածվող 33-ի արտահանձնման հետ։ Մասնավորապես, Անկարան պահանջում է արտահանձնել իսլամական քարոզիչ Ֆեթուլլահ Գյուլենի կողմնակիցներին եւ քրդերին։
