Ֆինլանդիայի եւ Շվեդիայի՝ Վաշինգտոնի ճնշման ներքո ռազմական բլոկներին միանալուց հրաժարվելն արձակում է Ռուսաստանի ձեռքերը։ Այս մասին երեքշաբթի Solovyov LIVE հեռուստաալիքի եթերում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Այն, ինչ Վաշինգտոնի ճնշման ներքո այժմ անում են Ֆինլանդիան եւ Շվեդիան, իսկ իրականում՝ ոչ թե նրանց ժողովուրդները, այլ քաղաքական ուժերը, արձակում է Ռուսաստանի ձեռքերը,- ասել է դիվանագետը:- Այսօր Վաշինգտոնը, ճնշման ներքո ստիպելով տասնամյակներ շարունակ ռազմական դաշինքներին չմիանալու չեզոք քաղաքականություն վարած այդ երկրներին փոխել իրենց ռազմավարական ուղղվածությունը եւ կուրսը, արձակել է մեր ձեռքերը»։
