News
Լրահոս
News
Հինգշաբթի
Հունիս 30
USD
408.31
EUR
429.75
RUB
7.83
Տեսնել լրահոսը

Ուկրաինայի եւ Ռուսաստանի Դաշնության միջեւ բանակցային գործընթացն այժմ դադարեցված է, ԶԼՄ-ներին մեկնաբանության մեջ հայտարարել է Ուկրաինայի նախագահի աշխատակազմի ղեկավարի խորհրդական Միխայլո Պոդոլյակը, փոխանցում է «Ուկրինֆորմ»-ը։

«Օբյեկտիվորեն ասած՝ բանակցային գործընթացն իսկապես դադարի մեջ է։ Ինչո՞ւ։ Կա մի քանի պատճառ: Ռուսաստանը ցույց չի տալիս առանցքայինը՝ աշխարհում ընթացող այսօրվա գործընթացների եւ դրա չափազանց բացասական դերի ըմբռնումը»,- ասել է նա։

Երկրորդը, ըստ նրա, Ռուսաստանը չի հասկանում, որ պատերազմն այլեւս ոչ մի իմաստով չի ընթանում Ռուսաստանի Դաշնության կանոններով, ժամանակացույցով կամ պլաններով, իսկ Ուկրաինայի դիմադրությունը եւ պրոֆեսիոնալ դիմադրությունը միայն աճում է։
Պոդոլյակը համոզված է, որ Ռուսաստանը իր նպատակներից որեւէ մեկին չի հասնի:

Երրորդ, նշել է նա, Ռուսաստանի Դաշնությունը չի կարող հրաժարվել ներքին շուկայում քարոզչական պարտադրանքից, եւ ուստի քաղաքական վերնախավը վախենում է ասել ճշմարտությունը, որ պատերազմից պետք է բոլորովին այլ պայմաններով դուրս գալ, քան ասվում էր սկզբում։

Նա ընդգծել է, որ ռուս քաղաքական գործիչները նախընտրում են բանակցությունները շարունակել որպես իրենց քարոզչության տարր միայն ներքին սպառման համար, ուստի հանրային տարածքում հնչեցվում են ռուսաստանցիների՝ բանակցությունների վերաբերյալ շանտաժի տիպի մեկնաբանությունները։

«Եւ վերջապես, առանցքայինը՝ Ռուսաստանը ցանկանում է գործողության մեջ տեսնել միջազգային տնտեսական պատժամիջոցների բոլոր փաթեթները եւ վերջապես հասկանալ իր բանակի իրական «մարտունակությունը», ինչպես նաեւ կորցնել իր հեղինակության մնացորդները։ Դա է, իմ կարծիքով, ռուսների ռազմավարական նպատակը՝ ամեն ինչ կամ ոչինչ։ Ուստի անիմաստ է խանգարել այս էքսցենտրիկ «կայսրության» անկմանը»,- ասել է Պոդոլյակը։

Նրա կարծիքով՝ այսօր խոսքն ամենեւին էլ ուկրաինական պատվիրակությանը բանակցային գործընթացից «դուրս գալու կամ դուրս չգալու» մասին չէ, խոսքը տվյալ փուլում նպատակահարմարության եւ կոնկրետության մասին է։

«Կոնկրետություն կլինի՝ քաղաքական բանակցությունները կշարունակվեն»,- հավելել է նախագահի գրասենյակի ղեկավարի խորհրդականը։

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Նորվեգիան երեք համազարկային կրակի ռեակտիվ համակարգ կփոխանցի Ուկրաինային
Նվիրատվությունը հնարավոր է դարձել Նորվեգիայի եւ Միացյալ Թագավորության սերտ համագործակցության շնորհիվ, ասվում է Նորվեգիայի պաշտպանության նախարար Բյորն Արիլդ Գրամի հայտարարության մեջ...
Լեհաստանը ողջունել է Բայդենի՝ երկրում 5-րդ բանակի շտաբ տեղակայելու մտադրությունը
«Այն, ինչ շատերի համար անհնար էր թվում, այժմ փաստ է դառնում...
Մակրոնն ու Էրդողանը քննարկել են Ուկրաինան
Մակրոնը բարձր է գնահատել Թուրքիայի հետ ձեռք բերված գործարքը, որը համաձայնել է վերացնել իր վետոն Շվեդիայի եւ Ֆինլանդիայի՝ դաշինքին անդամակցության հարցում...
Սիրիան որոշել է ճանաչել ինքնահռչակ Դոնեցկի եւ Լուգանսկի ժողովրդական հանրապետությունների անկախությունը
«Սիրիայի Արաբական Հանրապետությունը որոշել է ճանաչել Դոնեցկի Ժողովրդական Հանրապետության եւ Լուգանսկի Ժողովրդական Հանրապետության անկախությունն ու ինքնիշխանությունը...
Ոչ ոք չի դիտարկում Ուկրաինայում պատերազմի ավարտ առաջիկա շաբաթներին կամ ամիսներին. Մակրոն
Նա հույս է հայտնել, որ «դրան կարելի է հասնել մինչեւ տարեվերջ, սակայն Ռուսաստանը չի կարող եւ չպետք է հաղթի»...
Indesit եւ Hotpoint ապրանքանիշերի սեփականատերը ռուսական բիզնեսը կվաճառի Beko-ին
Գործարքի արդյունքում Arcelik-ը կստանա արտադրական օբյեկտները Լիպեցկում, որոնք կարող են տարեկան 2.8 միլիոն սառնարան եւ լվացքի մեքենա արտադրել...
Ֆոտոռեպորտաժներ