News
Լրահոս
News
Շաբաթ
Հուլիս 02
USD
407.95
EUR
426.35
RUB
7.46
Տեսնել լրահոսը

Իտալական կղզում ռուս ձեռներեցների համար աշխատող հարյուրավոր իտալացիներ առանց աշխատանքի են մնացել այն բանից հետո, երբ Եվրամիությունը պատժամիջոցներ է սահմանել Ռուսաստանի դեմ, գրում է The Washington Post-ը։

«Սարդինիան, որը գտնվում է Միջերկրական ծովում, հայտնի վայր է մեծահարուստ ռուսների համար, որոնք շքեղ առանձնատներ են կառուցել ափին եւ իրենց սուպերզբոսանավերը կայանել են նավահանգստում:

Քանի որ ԵՄ-ն պատժամիջոցներ է սահմանել ռուս օլիգարխների նկատմամբ եւ սառեցրել է նրանց ակտիվները, նրանց մոտ աշխատող որոշ մարդիկ կորցրել են իրենց աշխատանքը, մյուսները հեռացվել են առանց վարձատրության, The Post-ին ասել է արհմիության ղեկավար Միրկո Իդիլին:

«Այս օլիգարխներից շատերն այստեղ դեռ ընկալվում են որպես մագնատներ, որպես բարերարներ»,- ասել է նա։ The Post-ը հայտնել է, որ օլիգարխները երբեմն աշխատողներին հնգանիշ կամ վեցանիշ թեյավճարներ էին տալիս:

Թերթի տվյալներով՝ Իտալիայի կառավարությունը կալանք է դրել Սարդինիայի հյուսիս-արեւելքում Զմրուխտյա ափի 10 մղոն երկայնքով գտնվող ութ տների վրա։

Իտալիայի իշխանությունները Սարդինիայում բռնագրավել են 114 միլիոն դոլար արժողությամբ անշարժ գույք, որը պատկանում է «Ֆորմուլա 1»-ի ռուս ավտոարշավորդ Նիկիտա Մազեպինին եւ նրա հորը, ինչպես նաեւ միլիարդատեր Ալիշեր Ուսմանովի մոտ 18 միլիոն դոլար արժողությամբ վիլլան, հայտնում է Reuters-ը։

Սարդինիայի նախկին նահանգապետ Մաուրո Պիլին The Post-ին ասել է, որ կղզին կախված էր ռուսական հարստությունից, բայց «հենց դուք ծորակը փակեք, վնաս կպատճառվի»:

Սա եւս մեկ օրինակ է, թե ինչպես են ռուս օլիգարխների մոտ աշխատող մարդիկ տուժում պատժամիջոցներից։ Հաղորդվում է, որ մարտին Ուսմանովի 600 միլիոն դոլար արժողությամբ սուպերզբոսանավի անձնակազմը հեռացվել է աշխատանքից:

The New York Times-ի փոխանցմամբ՝ Գերմանիայում Ուսմանովի վիլլաները վերանորոգող բանվորները չեն կարողացել աշխատավարձ ստանալ՝ պատժամիջոցների պատճառով։

!
Այս նյութը հասանելի է նաև   Русский
Տպել
Ամենաշատ
Ֆոտոռեպորտաժներ