News
Լրահոս
News
Չորեքշաբթի
Հուլիս 06
USD
408.2
EUR
416.32
RUB
6.61
Տեսնել լրահոսը

Եվրահանձնաժողովը (ԵՀ) չորեքշաբթի օրը կներկայացնի 210 միլիարդ եվրոյի ծրագիր՝ Ռուսաստանի էներգակիրներից մինչեւ 2027 թվականը աստիճանաբար հրաժարվելու մասին, չորեքշաբթի հայտնել է Reuters գործակալությունը՝ վկայակոչելով փաստաթղթերի նախագծերը։

Նշված ծրագիրը բաղկացած կլինի երեք փուլից, նշում է գործակալությունը։ Նախագծի շրջանակներում Բրյուսելը մտադիր է սկսել գազի ներկրումը այլ երկրներից, արագացնել անցումը էներգիայի վերականգնվող աղբյուրներին եւ ավելի շատ ջանքեր գործադրել էներգիայի խնայողության համար։

Գործակալության տվյալներով՝ այլ երկրներից գազի ներկրումն ավելացնելու պլանի մի մասը ընդգծում է հեղուկ բնական գազի մատակարարումների ավելացման հնարավորությունը այնպիսի երկրներից, ինչպիսիք են Եգիպտոսը, Իսրայելը եւ Նիգերիան։

Ինչ վերաբերում է էներգիայի վերականգնվող աղբյուրներին անցնելուն, ապա ակնկալվում է, որ ԵՀ-ն ծրագրում մինչեւ 2030 թվականը 10 միլիոն տոննա վերականգնվող ջրածին արտադրելու եւ արդյունաբերության մեջ գազի փոխարինման համար եւս 10 միլիոն տոննա այդպիսի ջրածին ներմուծելու նպատակ կներկայացնի, նշում է Reuters-ը։ Բացի այդ, ԵՀ-ն մտադիր է առաջարկել 2030 թվականին վերականգնվող էներգիայի աղբյուրների մասնաբաժինը հասցնել 45 տոկոսի։ Արեւային էներգիայի լայնածավալ օգտագործման ջանքերի շրջանակներում ԵՄ-ն անդամ երկրներից կպահանջի 2025 թվականից բոլոր հասարակական շենքերում արեւային էլեկտրակայաններ տեղադրել։

Բացի այդ, մինչեւ 2030 թվականը ԵՄ-ն մտադիր է 13 տոկոսով կրճատել էներգիայի սպառումը։

Եվրահանձնաժողովի տվյալներով՝ ԵՄ-ն Ռուսաստանից ստանում է գազի 40 տոկոսը, նավթի 27 տոկոսը եւ ածխի 46 տոկոսը։ Ածխի մատակարարումների էմբարգոն դարձել է պատժամիջոցների հինգերորդ փաթեթի մաս, այն ընդունվել է հետաձգված ռեժիմով եւ ուժի մեջ կմտնի օգոստոսից։ ԵՄ երկրների մշտական ներկայացուցիչները դեռեւս չեն կարողանում համաձայնության գալ Ռուսաստանի դեմ պատժամիջոցների վեցերորդ փաթեթի շուրջ, որը ներառում է նավթի հետաձգված էմբարգոյի նախագիծ։ Եվրահանձնաժողովն առաջարկել է վեցերորդ փաթեթի ուժի մեջ մտնելուց վեց ամիս անց արգելել Ռուսաստանի Դաշնությունից հում նավթի ներմուծումը, իսկ նավթամթերքների ներմուծումն արգելել 2023 թվականից։ Միաժամանակ ԵՀ-ն առաջարկել է թույլ տալ Հունգարիային եւ Սլովակիային մինչեւ 2024 թվականի վերջը ռուսական նավթ գնել։

Աղբյուրների համաձայն՝ Եվրահանձնաժողովն արդեն ստիպված է եղել մեղմացնել իր մի շարք առաջարկները նավթի էմբարգոյի ժամկետների, չափորոշիչների եւ հնարավոր բացառությունների վերաբերյալ։ Հունգարիան դեմ է նավթի էմբարգոյին, նրան աջակցում են մի շարք այլ երկրներ, որոնք եւս կարծում են, որ այս միջոցից վնասը աղետալի կլինի Եվրոպայի համար։

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
ԵՄ-ն վերակառուցման հարթակ կստեղծի Ուկրաինայի վերականգնումը համակարգելու համար
«Պատերազմի սկզբից ի վեր Եվրամիությունը մոբիլիզացրել է մոտ 6,2 միլիարդ եվրո ֆինանսական աջակցություն․․․
Չեխիան ստանձնել է ԵՄ նախագահությունը
ԵՀ անդամների եւ Չեխիայի կաբինետի համատեղ հանդիպումը տեղի է ունենում աշխատանքային ճաշի տեսքով Լիտոմիսլի ամրոցի գարեջրի գործարանում...
Ուկրաինայի պատերազմը խզել է ԵՄ-ի կապը Արեւելյան գործընկերության երկրների հետ. գերմանացի նախարար
Այդ երկրների հետ հարաբերությունները, նրա գնահատմամբ, մինչ այժմ զարգանում են փոխվստահության հիման վրա․․․
ԵՄ-ում հայտարարել են ռազմական ծախսերի ավելացման անհրաժեշտությնա մասին
«Խոսքը ոչ թե եվրոպական բանակ ստեղծելու, այլ եվրոպական ուժերն ավելի համագործակցող, միասին աշխատելու ավելի ընդունակ դարձնելու մասին է...
ԵՄ-ում պայմանավորվել են մինչեւ ձմեռ գազի բոլոր պահեստները 80 տոկոսով լցնել
Ուկրաինական պատերազմի ֆոնին ԵՄ-ն փորձում է նվազեցնել ռուսական էներգիայի օգտագործումը: Ռուսական ածուխի ներկրման արգելքը ուժի մեջ կլինի օգոստոսից, իսկ նավթի էմբարգոն մեծամասամբ կգործի հաջորդող 8 ամիսների ընթացքում:
ԵՄ առաջնորդները հավանություն են տվել Խորվաթիայի անցմանը եվրոյի
Հայտնի է, որ ԵՄ օրենսդիրների եւ Եվրոպական կենտրոնական բանկի հետ բանակցություններից հետո գործընթացը հուլիսին կավարտվի՝ ակնկալվող 3 օրենսդրության ընդունմամբ, որոնք հնարավորություն կտան իրականացնել արտարժույթի փոփոխությունը:
Ամենաշատ
Ֆոտոռեպորտաժներ