Մեր հերոսներից մեկի հորը՝ Գարիկ Գալեյանին են ձերբակալել, եկել ենք տեսնենք ինչում է խնդիրը, ինչ հիմքով են ձերբակալել եւ առհասարակ, ոնց կարելի է նման բան բանի ականատես լինել, անհասկանալի իրավիճակ է: Այս մասին, այսօր մայիսի 18-ին, Քննչական կոմիտեի մոտ լրագրողների հետ զրույցում նշեց ԱԺ «Պատիվ ունեմ» խմբակցության ղեկավար Արթուր Վանեցյանը:
Նա նշեց, որ ներս են ուզում մտնել ինքը, պատգամավորներ Տիգրան Աբրահամյանը եւ Արմենուհի Կյուրեղյանը:
«Այսօր արդեն 300-ից ավելի բերման ենթարկվածներ կան, ունենք մարմնական վնասվածքներ ստացած քաղաքացիներ: Տեղեկությունը հստակ չի, բայց ճանապարհին նոր ասացին, որ ոստիկանները քաղաքացիներից մեկի աչքն են հանել: Հիմա Մալայանի անվան հիվանդանոցում է: Համենայնդեպս աչքը արյունոտված տարել են հիվանդանոց»,-ասաց Վանեցյանը:
- Մեր զոհված տղաներից Մխիթար Գալեյանի հորն են ձերբակալում. Աննա Գրիգորյան
- Քննչական կոմիտեն՝ Մխիթար Գալեյանի հոր ձերբակալության մասին
