News
Լրահոս
News
Հինգշաբթի
Հունիս 30
USD
408.31
EUR
429.75
RUB
7.83
Տեսնել լրահոսը

Կրեմլը հայտարարել է, որ ուկրաինացի զինվորականները, որոնք թաքնվում էին Մարիուպոլի «Ազովստալ» գործարանի տարածքում, հանձնվում են։

Լրագրողները չորեքշաբթի օրը ՌԴ նախագահի մամուլի քարտուղար Դմիտրի Պեսկովին հարցրել են, թե արդյոք «Ազովստալ»-ից այնտեղ գտնվող ուկրաինացի զինվորականների դուրս գալը կապիտուլյացիա է, եւ արդյոք նրանց թվում կան օտարերկրացիներ, այդ թվում՝ արեւմտյան բանակների սպաներ, հայտնում է Interfax-ը։

«Ինչ վերաբերում է հանձնվողների նույնականացմանը, ապա այս հարցը պետք է հասցեագրել պաշտպանության նախարարությանը։ Բայց այստեղ մեկնաբանությունը կարող է լինել միայն միանշանակ, եւ սահմանումը միանշանակ՝ նրանք, ովքեր թաքնվում էին, այն զինվորականները, որոնք թաքնվում էին «Ազովստալ»-ի տարածքում, նրանք վայր են դնում զենքերը եւ հանձնվում են»,- ասել է Պեսկովը։

Կրեմլի խոսնակը նաեւ ասել է, որ ռուս-ուկրաինական բանակցություններն առաջ չեն շարժվում, եւ դրանց վերսկսումը դժվար թե կարելի է կապել «Ազովստալ»-ից ուկրաինացի զինվորականների հանձնվելու հետ։

«Չեմ կարծում, որ դրանք խիստ փոխկապակցված գործընթացներ են (բանակցություններն ու «Ազովստալ»-ից ուկրաինացի զինվորականների հանձնվելը): Բանակցություններն իսկապես առաջ չեն գնում, եւ մենք իսկապես արձանագրում ենք ուկրաինացի բանակցողների ցանկության իսպառ բացակայություն՝ շարունակելու այս գործընթացը»,- ասել է Պեսկովը՝ պատասխանելով լրագրողների համապատասխան հարցին։

Չորեքշաբթի ավելի վաղ Ռուսաստանի պաշտպանության նախարարությունը հայտարարել էր, որ մեկ օրում Մարիուպոլի «Ազովստալ» գործարանից 694 ուկրաինացի զինվոր է հանձնվել։ «Մարիուպոլում ազգայնական «Ազով» ստորաբաժանման զինյալները եւ «Ազովստալ» գործարանում արգելափակված ուկրաինացի զինծառայողները շարունակել են հանձնվել: Անցած 24 ժամվա ընթացքում 694 զինյալ է հանձնվել, այդ թվում՝ 29 վիրավոր»,- ասել է ՌԴ ՊՆ պաշտոնական ներկայացուցիչ Իգոր Կոնաշենկովը։

Նրա խոսքով՝ մայիսի 16-ից «Ազովստալ»-ից 959 ուկրաինացի զինծառայող է հանձնվել, այդ թվում՝ 80 վիրավոր, 51-ը տեղափոխվել է ԴԺՀ-ում Նովոազովսկի հիվանդանոց։

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Նորվեգիան երեք համազարկային կրակի ռեակտիվ համակարգ կփոխանցի Ուկրաինային
Նվիրատվությունը հնարավոր է դարձել Նորվեգիայի եւ Միացյալ Թագավորության սերտ համագործակցության շնորհիվ, ասվում է Նորվեգիայի պաշտպանության նախարար Բյորն Արիլդ Գրամի հայտարարության մեջ...
Լեհաստանը ողջունել է Բայդենի՝ երկրում 5-րդ բանակի շտաբ տեղակայելու մտադրությունը
«Այն, ինչ շատերի համար անհնար էր թվում, այժմ փաստ է դառնում...
Մակրոնն ու Էրդողանը քննարկել են Ուկրաինան
Մակրոնը բարձր է գնահատել Թուրքիայի հետ ձեռք բերված գործարքը, որը համաձայնել է վերացնել իր վետոն Շվեդիայի եւ Ֆինլանդիայի՝ դաշինքին անդամակցության հարցում...
Սիրիան որոշել է ճանաչել ինքնահռչակ Դոնեցկի եւ Լուգանսկի ժողովրդական հանրապետությունների անկախությունը
«Սիրիայի Արաբական Հանրապետությունը որոշել է ճանաչել Դոնեցկի Ժողովրդական Հանրապետության եւ Լուգանսկի Ժողովրդական Հանրապետության անկախությունն ու ինքնիշխանությունը...
Ոչ ոք չի դիտարկում Ուկրաինայում պատերազմի ավարտ առաջիկա շաբաթներին կամ ամիսներին. Մակրոն
Նա հույս է հայտնել, որ «դրան կարելի է հասնել մինչեւ տարեվերջ, սակայն Ռուսաստանը չի կարող եւ չպետք է հաղթի»...
Indesit եւ Hotpoint ապրանքանիշերի սեփականատերը ռուսական բիզնեսը կվաճառի Beko-ին
Գործարքի արդյունքում Arcelik-ը կստանա արտադրական օբյեկտները Լիպեցկում, որոնք կարող են տարեկան 2.8 միլիոն սառնարան եւ լվացքի մեքենա արտադրել...
Ֆոտոռեպորտաժներ