News
Լրահոս
News
Երկուշաբթի
Հունիս 27
USD
408.56
EUR
430.54
RUB
7.67
Տեսնել լրահոսը

Մայիսի 18-ին բարեկամական խմբերի մակարդակով  խորհրդարանում տեղի է ունեցել  հայ եւ իտալացի պատգամավորների ընդլայնված կազմով հանդիպումը:

ԱԺ-ից NEWS.am-ին հայտնում են, որ ԱԺ Հայաստան-Իտալիա բարեկամական խմբի ղեկավար Մարիա Կարապետյանն անդրադարձել է խորհրդարանական համագործակցությանը, պատգամավորների ու գործադիրի ներկայացուցիչների փոխայցերի կարեւորությանը: Պատգամավորը երախտագիտություն է հայտնել 2019 թ. ապրիլին Իտալիայի խորհրդարանի Պատգամավորների պալատի կողմից Հայոց ցեղասպանությունը ճանաչող բանաձեւի ընդունման համար:

Հանդիպմանն անդրադարձ է կատարվել 44-օրյա պատերազմին, հետպատերազմական իրավիճակին, Բաքվում ապօրինաբար պահվող հայ ռազմագերիներին:  Այդ համատեքստում Մարիա Կարապետյանն արժեւորել է Իտալիայի խորհրդարանի կողմից այս տարվա մարտին ընդունված բանաձեւը, որով իտալացի խորհրդարանականներն ամրագրել են հայ ռազմագերիների վերադարձի կարեւորությունը: Պատգամավորն ընդգծել է 2020 թ. Ադրբեջանի սանձազերծած պատերազմի ժամանակ Իտալիայի խորհրդարանականների  կողմից արված հայտարարությունները:

Իտալիա-Հայաստան բարեկամական խմբի ղեկավար Ջուլիո Չենտեմերոն  կարեւորել է հայ-իտալական  փոխգործակցության առավել ակտիվացումը, խորհրդարանական դիվանագիտությունը՝ առանձնացնելով  հատկապես բարեկամական խմբերի դերը:  Ջուլիո Չենտեմերոն անդրադարձել է ԵՄ-Հայաստան Համապարփակ եւ ընդլայնված գործընկերության համաձայնագրին: Պատգամավորը խոսել է «Թումո» ստեղծարար տեխնոլոգիաների կենտրոնի սաների հաջողությունների,  հայկական կրթամշակութային  առանձնահատկությունների մասին:

Ընդլայնված կազմով հանդիպմանը ներկա են եղել ԱԺ Հայաստան-Իտալիա բարեկամական խմբի անդամներ Ծովինար Վարդանյանը,  Սոնա Ղազարյանը,  Հասմիկ Հակոբյանը,  Լուսինե Բադալյանը, Մերի Գալստյանը,  Սարգիս Խանդանյանը եւ Արուսյակ Ջուլհակյանը:

Պատգամավորներն իրենց ելույթներում անդրադարձել են 44-օրյա պատերազմին, ԼՂ-ում տիրող իրավիճակին,  Ադրբեջանի վերահսկողության տակ անցած հայկական հոգեւոր-մշակութային ժառանգությանը եւ այդ հարցում Ադրբեջանի վարած ժխտողական քաղաքականությանն ու իրականությունը խեղաթյուրող վարքագծին:  Խորհրդարանականներն իտալացի գործընկերներին ներկայացրել են ԼՂ-ում ստեղծված հումանիտար ճգնաժամը:  Անդրադարձ է կատարվել նաեւ Հայաստանի ու Ադրբեջանի միջեւ սահմանագծման ու սահմանազատման աշխատանքներին, հայ-թուրքական հարաբերությունների կարգավորման գործընթացին:

Տպել
Կարդացեք նաև
Ամբողջը
Ադրբեջանի ՊՆ-ն կրկին ապատեղեկատվություն է տարածում. ՀՀ ՊՆ-ն հերքում է
Իրադրությունը հայ-ադրբեջանական սահմանին հարաբերականորեն…
Լավրովը մեկնաբանել է Երեւանի կողմից բանակցությունները ձգձգելու մասին Բայրամովի խոսքերը
Մենք մի քանի շաբաթ առաջ Երեւանում խոսել ենք եւ՛ վարչապետի, եւ՛ արտգործնախարարի հետ․․․
Լավրովն ու Բայրամովը հայտարարել են ղարաբաղյան հարցով ԵԱՀԿ Մինսկի խմբի գործունեությունը դադարեցնելու մասին
Լավրովն ընդգծել է, որ ԵԱՀԿ Մինսկի խումբը ամերիկյան եւ ֆրանսիական կողմերի նախաձեռնությամբ դադարեցրել է իր գործունեությունը․․․
Հայ-ադրբեջանական հարաբերությունների կարգավորման բանակցությունների ձգձգումը հղի է լուրջ ռիսկերով․ Բայրամով
Ադրբեջանի դիրքորոշումը պայմանավորված է բոլոր կողմերի կողմից եռակողմ համաձայնագրերի լիարժեք եւ անշեղորեն կատարման անհրաժեշտությամբ․․․
ԱՄՆ Հայկական համագումարը Կոնգրեսից պահանջում է վերահսկել Բաքվին տրվող օժանդակությունը, USAID-ից՝ ներկա լինել Արցախում
Միացյալ Նահանցների վարչակազմը հիմնավոր դիրքորոշում է դրսևորել ցեղասպանությունների կանխարգելման հարցում` շարունակաբար ճանաչելով...
Մինսկում կհանդիպեն Հայաստանի, Ռուսաստանի և Ադրբեջանի գլխավոր դատախազները
Այցի ընթացքում նա կունենա մի շարք երկկողմ հանդիպումներ, կկայանա նաև...
Ֆոտոռեպորտաժներ