Լիտվան նպաստում է Հայաստանի եւ Ադրբեջանի միջեւ համաձայնության ձեռքբերմանը։ Այս մասին մայիսի 20-ին Երեւանում Հայաստանի նախագահ Վահագն Խաչատուրյանի հետ հանդիպումից հետո կայացած ճեպազրույցում ասել է Լիտվայի նախագահ Գիտանաս Նաուսեդան։
Լիտվայի նախագահը հիշեցրել է Եվրոպական խորհրդի նախագահ Շառլ Միշելի ջանքերն այս ուղղությամբ։ Նաուսեդան նաեւ մատնանշել է Հայաստանի եւ Լիտվայի միջեւ չօգտագործված լուրջ ներուժը բազմաթիվ ոլորտներում:
Հիշեցնենք, որ առաջիկա օրերին Բրյուսելում նախատեսված է Հայաստանի վարչապետ Նիկոլ Փաշինյանի, Եվրոպական խորհրդի նախագահ Շառլ Միշելի եւ Ադրբեջանի նախագահ Իլհամ Ալիեւի եռակողմ հանդիպումը։