News
Լրահոս
News
Կիրակի
Հուլիս 03
USD
407.95
EUR
426.35
RUB
7.46
Տեսնել լրահոսը

Արեւմտյան ռազմավարական ուղղությամբ իրավիճակը բնութագրվում է որպես ՌԴ սահմանների մոտ ռազմական սպառնալիքների աճ։ Այս մասին ռազմական գերատեսչության կոլեգիայում հայտարարել է ՌԴ պաշտպանության նախարար, բանակի գեներալ Սերգեյ Շոյգուն, փոխանցում է ՏԱՍՍ-ը։

Նրա խոսքով՝ Եվրոպայում ԱՄՆ ռմբակոծիչների թռիչքների ինտենսիվությունը աճել է 15 անգամ (տարեկան 3-ից հասնելով 45-ի)։

Ավելի քան 10 զորամաս կհայտնվի Արեւմտյան ռազմական շրջանում՝ ի պատասխան Ռուսաստանի սահմանների մոտ ՆԱՏՕ-ի ուժեղացման, ասել է Սերգեյ Շոյգուն։ «Մինչեւ տարեվերջ Արեւմտյան ռազմական շրջանում կձեւավորվի 12 զորամաս եւ ստորաբաժանում»,- ասել է նախարարը՝ նշելով, որ լարվածությունը շարունակում է աճել Արեւմտյան ռազմական շրջանի պատասխանատվության գոտում, այդ թվում՝ դաշինքին Ֆինլանդիայի եւ Շվեդիայի հնարավոր անդամակցության պատճառով։

Պաշտպանության նախարարի խոսքով՝ հակազդեցության միջոցները կհամապատասխանեցվեն զորքերին ժամանակակից սպառազինության եւ ռազմական տեխնիկայի մատակարարման հետ։

Շոյգուն նշել է, որ ձմեռային ուսումնական շրջանի արդյունքների վրա հիմնված վերահսկողական ստուգումները ցույց են տվել շրջանի կազմավորումների պատրաստվածության մակարդակի 25 տոկոս որակական աճ՝ նախորդ տարվա համեմատ։

Ռազմական գերատեսչության ղեկավարի խոսքով՝ Բալթյան նավատորմի նավերի կողմից մարտական պատրաստության առաջադրանքների ինտենսիվությունն աճել է 42 տոկոսով։ Կատարվել է ավելի քան 300 մարտական վարժանք՝ տարբեր զինատեսակների կիրառմամբ։ Տարեսկզբից շրջանի օդային հարձակումն աճել է 4 տոկոսով։

ԱՄՆ-ը ՆԱՏՕ-ի հետ միասին վարժանքներ է իրականացնում՝ Եվրոպայում զորքեր եւ Արկտիկական, Արեւմտյան, Հարավարեւմտյան ռազմավարական ուղղություններում խմբեր տեղակայելու համար։

Նրա խոսքով, ներկայումս ԱՄՆ-ը եւ ՆԱՏՕ-ն մեծացնում են օպերատիվ եւ մարտական պատրաստության մասշտաբները ՌԴ սահմանների մոտ, անցկացվում է «Եվրոպայի պաշտպան» զորավարժությունների շարքը, որին մասնակցում են մինչեւ 40 000 զինվորականներ դաշինքի 30 երկրներից։ «Զորավարժությունների հիմնական առանձնահատկությունը ԱՄՆ-ից եվրոպական մայրցամաք լիարժեք դիվիզիայի տեղափոխումն է, ինչպես նաեւ երեք ռազմավարական ուղղություններով՝ արկտիկական, արեւմտյան եւ հարավարեւմտյան, զորքերի խմբի տեղակայումը:

Նախարարը նաեւ նշել է, որ ՆԱՏՕ-ին անդամակցելու հայտ են ներկայացրել Ռուսաստանի ամենամոտ հարեւանները՝ Ֆինլանդիան եւ Շվեդիան։ «Այսպիսով, Արեւմտյան ռազմական շրջանի պատասխանատվության գոտում լարվածությունը շարունակում է աճել։ Մենք համարժեք դիմակայության միջոցներ ենք ձեռնարկում»,- ընդգծել է Շոյգուն։

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Լուկաշենկոն հայտնել է Բելառուսի վրա Ուկրաինայի հրթիռային հարձակումը կանխելու մասին
«Մեզ սադրում են. Ես պետք է ձեզ զեկուցեմ՝ երեք օր առաջ․․․
Արեւմտյան երկրներն «ապոկալիպսիս են ուզում». Պեսկովը՝ Ռուսաստանի վերաբերյալ ՆԱՏՕ-ի հայտարարությունների մասին
Նա հավելել է, որ պետք է հուսալ, որ «ինչ-որ քաղաքական կամք եւ ինչ-որ քաղաքական բանականություն գոնե մասամբ մնացել են հավաքական Արեւմուտքի մոտ»...
Ռուսաստանը մշտապես «շահել է» Ուկրաինան Արեւմուտքից՝ ցանկացած կանոններով. Սանֆրանչուկ
Սաֆրանչուկի խոսքով՝ դրսից նայողներին թվում է, թե իրավիճակը բարդացել է, բայց Ռուսաստանի աչքերում, հակառակը, ամեն ինչ ավելի պարզ է դարձել...
Թուրքիան կարող է վերաարտահանել հացահատիկային մթերքները Սեւ ծովից. Էրդողան
«Ուկրաինայի եւ Ռուսաստանի ղեկավարների հետ բանակցություններից հետո մենք կարող ենք ցորեն, գարի, վարսակ, արեւածաղկի ձեթ ուղարկել այն երկրներ, որոնք ունեն դրա կարիքը՝ մեր միջոցով վերաարտահանում իրականացնելով...
Ուկրաինայի պատերազմը խզել է ԵՄ-ի կապը Արեւելյան գործընկերության երկրների հետ. գերմանացի նախարար
Այդ երկրների հետ հարաբերությունները, նրա գնահատմամբ, մինչ այժմ զարգանում են փոխվստահության հիման վրա․․․
Nvidia-ն դադարեցրել է Ռուսաստանում ամպային գեյմինգի համար ծրագրային ապահովման լիցենզիաների վաճառքը. «Կոմերսանտ»
Ընկերության այս որոշումը կարող է բարդացնել ռուս գեյմերների կյանքը...
Ամենաշատ
Ֆոտոռեպորտաժներ