News
Լրահոս
News
Շաբաթ
Հուլիս 02
USD
407.95
EUR
426.35
RUB
7.46
Տեսնել լրահոսը


Հայաստանում ԱՄՆ արտակարգ եւ լիազոր դեսպան Լին Թրեյսին այսօր պատասխանել է լրագրողների, այդ թվում՝ NEWS.am-ի հարցին:

«Արմենպրեսի» հետ զրույցում նշել եք, որ ԱՄՆ-ն ճանաչում է Լեռնային Ղարաբաղի բնակչության դերակատարությունը իր ապագան որոշելու հարցում։ Ըստ Ձեզ ինչպե՞ս պետք է արտահայտվի այդ դերակատարումը։

Կարծում եմ՝ այս պահին կարևոր է ընդգծել այս սկզբունքը։ Չեմ ցանկանում ենթադրություններ անել, թե ինչ տեսք սա կունենա ապագայում։ Սա պետք է որոշվի Լեռնային Ղարաբաղի ժողովրդի և այլ կողմերի միջև հետագա բանակցությունների ընթացքում։

Նույն հարցազրույցում Դուք նաև խոսել եք Հայաստանի ժողովրդավարության մասին, այսօր նաև «Հայկական ժողովրդավարության» մասին ֆորում է, և մենք տեսնում ենք, թե ինչպես են խոչընդոտում լրագրողների աշխատանքը, լրագրողները  չեն կարողանում ֆորումի աշխատանքները լուսաբանել, մենք տեսնում ենք ընդդիմադիր պատգամավորների նկատմամբ կիրառված այսօրվա գործողությունները, նաև ոստիկանների՝ ցուցարարների հանդեպ կիրառված գործողությունները, և շատերը կարծում են, որ ԱՄՆ դեսպանը երկակի ստանդարտներով է առաջնորդվում և լուռ է այսօրվա դեպքերի առնչությամբ։ Ինչո՞ւ է այդպես:

Մենք լուռ չենք եղել։ Մենք արդեն իսկ խոսել ենք Վաշինգտոնում և այստեղ՝ կոչ անելով Ոստիկանությանը պատշաճ գործել, խուսափել անհամաչափ ուժի կիրառումից։ Մենք նաև կոչ ենք անում ցուցարարներին, որոնք իրավունք ունեն խաղաղ անհնազանդություն իրականացնել, իրենց գործողություններն իրականացնել խաղաղ ճանապարհով։ Մենք նաև կոչ ենք անում փողոցում գտնվող բոլոր կողմերին՝ Ոստիկանությանն ու ցուցարարներին, հարգել և չխոչընդոտել այս իրադարձությունները լուսաբանող լրագրողների աշխատանքը։ Ինչպես տեսնում եմ՝ արդեն իսկ բողոքներ են ներկայացվել մի շարք դեպքերով, ես նաև տեսնում եմ, որ Ոստիկանությունը պարտավորվել է քննել այդ գործերը, և կարծում եմ՝ դա շատ կարևոր է, հենց դա է ժողովրդավարությունը, այն հաշվետվողականություն է ենթադրում։ Ինչպես ես մի քանի անգամ նշեցի ֆորումի ընթացքում, ժողովրդավարությունը կատարելության վիճակ չէ, մենք շատ ժողովրդավարություններում՝ ներառյալ ԱՄՆ-ն, ոստիկանական բարեփոխումներ իրականացնելու և ոստիկանությունն ավելի հաշվետվողական դարձնելու անհրաժեշտություն ենք տեսնում։ Բայց նման զարգացումներն ու իրավիճակները չեն նշանակում, որ ժողովրդավարությունը բացակայում է, դրանք նշանակում են, որ քաղաքացիներն իրավունք ունեն պահանջելու հաշվետվողականություն, և կառավարությունը պարտավոր է հետաքննություն իրականացնել և ապահովել թափանցիկություն և հաշվետվողականություն։ Եվ ինչպես նշեցի րոպեներ առաջ՝ ես շատ ոգևորված եմ ժողովրդավարության ուղղությամբ գնալու Հայաստանի հետագծով, և մենք շարունակում ենք Հայաստանի քաղաքացիների և կառավարության հետ աշխատել ժողովրդավարության զարգացմանը նպաստող բարեփոխումների լայն օրակարգերի վրա։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Թավշյա հեղափոխությունից հետո հայ-ամերիկյան հարաբերությունները վերաճեցին ռազմավարական երկխոսության. փոխվարչապետ
Փոխվարչապետ Մաթևոսյանը մասնակցել է ԱՄՆ անկախության 246-րդ տարեդարձին նվիրված տոնակատարությանը…
Հայաստանի եւ ԱՄՆ-ի միջեւ ստորագրվել է դրամաշնորհային համաձայնագիր. Հայաստանին կտրամադրվի 120 մլն դոլար
Համաձայնագիրը միտված է խթանելու թափանցիկությունն ու հաշվետվողականությունը պետական կառավարման համակարգում…
Վահագն Խաչատուրյանը ԱՄՆ Անկախության օրվա առթիվ այցելել է Հայաստանում ԱՄՆ դեսպանի կեցավայր
Նախագահը բարձր է գնահատել Հայաստանի անկախությունից ի վեր մեր երկրի զարգացման, ժողովրդավարական գործընթացներում առաջընթաց գրանցելու գործում...
Լին Թրեյսին հանդիպել է Սաշիկ Սուլթանյանի հետ. քննարկել են վերջինիս դեմ հարուցված քրգործը
Դեսպան Թրեյսին նշել է, որ ազատ արտահայտվելու իրավունքն այն հիմքն է, որի վրա...
Լիլիթ Մակունցը հանդիպում է ունեցել Բայդենի հետ
Այս մասին տեղեկացնում են ԱՄՆ-ում ՀՀ դեսպանությունից…
ԲԴԽ անդամներն ընդունել են ԱՄՆ դատավորի գլխավորած պատվիրակությանը
Բարձրագույն դատական խորհրդի վարչական շենքում ԲԴԽ նախագահի...
Ամենաշատ
Ֆոտոռեպորտաժներ