Աֆղանստանում իշխանությունը զավթած «Թալիբան» շարժման գերագույն առաջնորդ Հայբաթուլլահ Ախունդզադան հրամանագիր է ստորագրել, որի համաձայն՝ թալիբներին խորհուրդ է տրվում խուսափել երկու, երեք կամ չորս ամուսնություն գրանցելուց: Այս մասին ուրբաթ հայտնել է TOLOnews հեռուստաալիքը:
Աղբյուրի տեղեկություններով՝ արմատական շարժման գերագույն առաջնորդի նոր հրամանագրով թալիբներին կոչ է արվում խուսափել «երկու, երեք կամ չորս ամուսնություններից, որոնք անհրաժեշտ չեն եւ միեւնույն ծախսատար են»:
Իսլամի նորմերի համաձայն՝ տղամարդուն թույլատրվում է մինչեւ չորս կին ունենալ՝ պայմանով, որ նա ի վիճակի է հավասարապես հոգ տանել բոլոր կանանց մասին եւ նյութապես ապահովել նրանց:
