ԱՄՆ նախագահ Ջո Բայդենը շաբաթ ստորագրել է Ուկրաինային հատկացվելիք 40 մլրդ դոլարի օգնության փաթեթը, հաղորդել է Սպիտակ տան պաշտոնական ներկայացուցիչն այն բանից հետո, երբ օրինագիծը Սեուլ է հասցվել, փոխանցում է CNN-ը:
Սենատն այն ընդունել է Վաշինգտոնից Բայդենի մեկնումից հետո:
Հաստատումն այն բանի, որ Բայդենն օրինագիծ է ստորագրել, այն պահին է ստացվել, երբ Բայդենը պետական ընթրիքի էր մասնակցում Հարավային Կորեայի նախագահ Յուն Սուկ Յոլի հետ:
Օրինագիծը նախատեսում է միջոցների հատկացում ռազմական եւ հումանիտար օգնության համար, այդ թվում՝ ուկրաինացի զինվորականների եւ ազգային անվտանգության ուժերի ֆինանսավորումը, Ուկրաինա ուղարկված ամերիկյան տեխնիկայի համալրման կազմակերպումը եւ ուկրաինացի փախստականներին բուժօգնության տրամադրումը:
