ԲՐԻԿՍ-ի երկրների էկոլոգիայի նախարարներն այսօր հանդիպման ժամանակ խոստացել են ակտիվացնել քաղաքականության հարցերով երկխոսություններն ու համատեղ ուսումնասիրություններ իրականացնել՝ շրջակա միջավայրի պահպանության ոլորտում համագործակցության ապահովման նպատակով, հաղորդում է «Սինխուա» գործակալությունը:
ԲՐԻԿՍ-ի երկրների շրջակա միջավայրի նախարարների 8-րդ հանդիպումը կազմակերպվել է Չինաստանի կողմից եւ անցկացվել առցանց ձեւաչափով: Միջոցառմանը նաեւ մասնակցել են ՀԱՀ-ի, Բրազիլիայի, Ռուսաստանի եւ Հնդկաստանի բնապահպանական գերատեսչությունների ներկայացուցիչները:
ԲՐԻԿՍ-ի երկրների միջեւ համագործակցությունը շրջակա միջավայրի պահպանության ոլորտում արդեն դարձել է գլոբալ էկոլոգիական քաղաքակրթության կառուցման կարեւոր եւ անբաժան մասը, ընդգծել է Չինաստանի էկոլոգիայի եւ շրջակա միջավայրի պահպանության հարցերով նախարար Հուան Ժունցյուն: Նա հայտարարել է, որ բոլոր կողմերը պետք է միասին աշխատեն՝ ՄԱԿ-ի՝ մինչեւ 2030 թվականը կայուն զարգացմանը նվիրված օրակարգի իրագործման համար:
