News
Լրահոս
News
Երկուշաբթի
Հունիս 27
USD
408.56
EUR
430.54
RUB
7.67
Տեսնել լրահոսը

ԱՀ ԱԺ նախագահ Արթուր Թովմասյանը շնորհավորական ուղերձ է հղել լրագրողի մասնագիտական օրվա կապակցությամբ:

Ուղերձում ասվում է.

«Սիրելի´ լրագրողներ

Շնորհավորում եմ ձեզ մասնագիտական օրվա կապակցությամբ:

Ամենայն համոզվածությամբ կարող ենք ասել, որ դուք Արցախի ինքնիշխան պետականության կառուցման ու կայացման գործի առաջամարտիկներից եք: Այս տարիների ընթացքում դուք յուրատեսակ կամուրջ էիք իշխանության ու հասարակության միջև: Միշտ բարձրաձայնել եք հասարակ մարդուն հուզող խնդիրների մասին, դարձել ուղեցույցը մեր անելիքների:

Լրագրողի մասնագիտությունը պահանջում է բանիմացություն, մարդկային շփումների հմտություններ, կոռեկտություն ու բարձր արհեստավարժություն: Այսօր, առավել քան երբևէ, լրագրողները պահանջված են տեղեկատվական դաշտի մարտահրավերներին դիմագրավելու համար:

Արցախի լրատվական դաշտի բանակն իր դերակատարություն է ունեցել Արցախյան երեք պատերազմներում՝ դառնալով մեր պատմության տարեգիրը, տարածելով ճշմարտությունը, իր ձեռքին որպես զենք ունենալով տեսախցիկն ու համակարգիչը:

Դուք, վտանգելով ձեր կյանքը, բարձր նշաձող եք սահմանել լրագրողի մասնագիտության համար, վեր եք գտնվել մարդկային թուլություններից՝ հայրենիքի շահը վեր դասելով անձնական հարմարվետությունից: Մեր խոնարհումը ազատամարտում իրենց կյանքը նվիրաբերած լրագրողներին:

Ուզում եմ, որ ձեզ գնահատված զգաք ու շարունակեք ճշմարտությունը աշխարհին հասցնելու բարձր առաքելությունը, դիմակայեք առկա մարտահրավերներին՝ ձեր նպաստը բերելով Արցախի կայունությանը, մեր ժողովրդի համերաշխությանն ու միասնությանը:

Ձեր ուժը ձեր գրչի զորությունն է, թող այն  բեղուն լինի, չընկրկի ժամանակավոր դժվարություններից, հավատարիմ մնա լրագրողական էթիկային ու չորրորդ իշխանություն լինելու պատասխանատվությանը:

Առողջ եղեք, ուշիմ ու բանիմաց, եռանդով լեցուն՝ նեցուկ եղեք ճնշվածին ու իր իրավունքներին տեր կանգնել չկարողացողին: Մենք հավատում ենք ձեզ:

Տպել
Կարդացեք նաև
Ամբողջը
«5-րդ ալիք»-ի «Բառերէն»-ը՝ մշակութային լավագույն հաղորդում
Հաղորդումը բացառիկ էր նրանով, որ նման փորձ չէր եղել ՀՀ-ում: Նաև շատ կարևոր է, որ թիմը երիտասարդ է և ունի ստեղծագորական 100 տոկոսանոց ազատություն...
Այս փոփոխությամբ կշարունակվի մեդիա օրենսդրության բացերը կարկատելու արատավոր պրակտիկան. հայտարարություն
Շուրջ մեկ տասնյակ լրագրողական կազմակերպություններ հանդես են եկել հայտարարությամբ, անդրադառնալով e-draft.am հարթակում տեղադրված…
Թուրքիայում կալանավորվել են 16 քուրդ լրագրող եւ ԶԼՄ-ների աշխատակից
Թուրքական դատարանը կալանավորել է 16 քուրդ լրագրող...
Վենետիկի հանձնաժողովը կդիտարկի Ադրբեջանում ընդունված օրենքը լրատվամիջոցների մասին
Վենետիկի հանձնաժողովը հունիսի 17-18-ին կդիտարկի Ադրբեջանի լրատվամիջոցների մասին օրենքը...
Անթույլատրելի էր Բագրատ Եսայանին բերման ենթարկելն ու ձերբակալելը. Լրագրողական ՀԿ-ների հայտարարությունը
Շարունակելով մնալ այն դիրքորոշմանը, որ 2020 թվականի նոյեմբերի 10-ի գիշերը «Ազատություն» ռադիոկայանի երևանյան գրասենյակի վրա հարձակումը խիստ դատապարտելի և իրավական հետևանքներ ենթադրող արարք է...
Ադրբեջանի իշխանությունները վտարում են «Sputnik Ադրբեջանի» գլխավոր խմբագրին
Ադրբեջանը թույլ չի տվել Բելառուսի քաղաքացներին շարունակել աշխատանքը երկրի տարածքում...
Ֆոտոռեպորտաժներ