News
Լրահոս
News
Երկուշաբթի
Հունիս 27
USD
408.56
EUR
430.54
RUB
7.67
Տեսնել լրահոսը


Պարեկի կողմից ավտորերթի մասնակցի հասցեին հայհոյանք հնչեցնելը պարունակում է ծանր վիրավորանքի հատկանիշներ։ Այս մասին այսօր՝ մայիսի 23-ին, լրագրողների հետ զրույցում ասաց փաստաբան Ալեքսանդր Կոչուբաեւը։

Հիշեցնենք, որ այսօր՝ մայիսի 23-ին, պարեկը «Դիմադրություն» շարժման ավտոերթի մասնակցի հասցեին հայհոյանք է հնչեցրել։

Ալեքսանդր Կոչուբաեւն ասաց, որ հանցագործության մասին հաղորդում է ներկայացվել. «Սա իր մեջ պարունակում է ծանր վիրավորանքի հատկանիշներ։ Դիմել ենք, որպեսզի քրեաիրավական գնահատական տրվի պարեկի գործողությանը։ Ինչ-որ կասկածելի պարեկ էր, տեսանյութում երեւում է ձեռքն ամբողջությամբ տատուներով, որքան գիտեմ, Ոստիկանությունում այդքան էլ ընդունելի չէ տատուներով ծառայողներ ունենալը։ Դիմել ենք, որպեսզի Ոստիկանության ներքին անվտանգության վարչությունը լուծի նաեւ կարգապահական պատասխանատվության հարցը»։

Նա նշեց, որ մեկ այլ հաղորդում էլ ներկայացրել են մետրոյում տեղի ունեցած դեպքերի հետ կապված. «Բերման ենթարկված ցուցարարները փաստաթղթավորվում են որպես՝ ոստիկանության ծառայողի օրինական պահանջը չկատարողներ, բայց մենք բազմաթիվ տեսանյութեր ունենք, որոնցում երեւում է, որ ուղղակի գալիս են ու գողանում հավաքի մասնակիցներին։ Այսինքն՝ չի երեւում ոչ ոստիկանության ծառայողի պահանջը, ոչ ժամանակ է տրվում այդ թվացյալ պահանջը կատարելու համար։ Սա լիազորությունների սահմանազանցման աղերս ունեցող գործողություններ են եւ եւս մեկ հաղորդում էլ ներկայացրել ենք, որպեսզի ստուգվի կարմիրբերետների գործողության իրավաչափությունը»։

Փաստաբան Ռուբեն Մելիքյանն անդրադառնալով պարեկի կողմից հայհոյանք հնչեցնելու դեպքին՝ ասաց. «Ենթադրում եմ, որ կգտնեն կամ կհայտարարեն ինչ-որ իրավաբանական ձեւակերպում՝ այ գիտեք, այսպես չի եղել, նրան նկատի չի ունեցել եւ այլն։ Այդ պարեկին որեւէ պատասխանատվության չեն ենթարկի, որոշ ժամանակ անց էլ կիմանանք, որ նաեւ պաշտոնն են բարձրացրել կամ պարգեւատրում են տվել։ Ժողովրդավարության բաստիոն կոչվածը սա է, դա կանաչ լույս է արեւմուտքի կողմից, որն իրեն վերապահել է ժողովրդավարության արժեքների գերագույն ժանդարմի լիազորություններ եւ աչք է փակում Հայաստանում տիրող խայտառակ իրավիճակի վրա։ Մենք կարող ենք ասել՝ ինչու է այդպես, որովհետեւ նրանք միջնորդական առաքելություն են ստանձնել այն առումով, որ Հայաստանը հրաժարվի Արցախի ժողովրդի ինքնորոշման իրավունքից»։

Տպել
Կարդացեք նաև
Ամբողջը
Իռլանդիայում մահացած ամուսինների դիերը ավելի քան 1 տարի մնացել են տանը
Իռլանդիայի ոստիկանությունը հայտնաբերել է տան տարբեր սենյակներում մահացած ամուսինների դիեր, հայտնում է UPI լրատվականը եւ հավելում, որ տարեց ամուսինները մահացել են ավելի քան մեկ տարի առաջ:
Ավտովթարից մահացել է Մխիթար Զաքարյանի 18-ամյա եղբորորդին. Hraparak.am
Խմբակցության պատգամավորները վաղը մեկնում են Մեղրի` հոգեհանգստի արարողությանը ․․․
Երեւանում ոստիկանը սեռական ոտնձգություն է կատարել իմ նկատմամբ. պատմում է չինացի զբոսաշրջիկը
Կատարվածի վերաբերյալ Լեյ Մաննան փորձել է հաղորդում ներկայացնել ոստիկանություն, սակայն, իրավապահները հրաժարվել են ընդունել հաղորդումը...
Թուրքիայում անտառային հրդեհների հետ առնչության կասկածով մեկ անձ է ձերբակալվել
Թուրքիայում մեկ անձ է ձերբակալվել՝ երկրի հաչավ-արեւմուտքում բռնկված անտառային հրդեհների հետ առնչություն ունենալու կասկածով, հայտնում է Dünya թերթը՝ վկայակոչելով Թուրքիայի ներքին գործերի նախարար Սուլեյման Սոյլուին:
Ավտոտեխսպասարկման կետում պայթյունից տուժած 5 քաղաքացիների վիճակը գնահատվում է ծայրահեղ ծանր. ԱՆ
Բժիշկներն անում են հնարավոր ամեն բան նրանց առողջական վիճակի բարելավման համար...
Ֆրանսիացի միլիոնատիրոջը մահացած են գտել Փարիզի հյուրանոցի դիմաց
Բժշկական լաբորատորիաների Biogroup խոշորագույն ցանցի ղեկավար Ստեֆան Էյմերին մահացած են գտել Փարիզում, 52 տարեկան հասակում․․․
Ֆոտոռեպորտաժներ