Երեւանի քաղաքապետարանի դիմաց բողոքի ցույց է տեղի ունենում։ Այս մասին մայիսի 24-ին Երեւանի ավագանու նիստին հայտարարեց «Բարգավաճ Հայաստան» խմբակցության ղեկավար Միքայել Մանրիկյանը:
Նա նշեց, որ բողոքի ակցիաները կապված են Երեւանի մի շարք բուժհաստատություններում կառուցվածքային փոփոխությունների խնդրի հետ։ Մասնավորապես, նախատեսվում է միավորել մի շարք պոլիկլինիկաներ:
«Լույս» խմբակցության քարտուղար Անի Խաչատրյանն իր հերթին ասաց, որ Կոնդ թաղամասի բնակիչները եւս բողոքի ակցիա են իրականացնում։
