Android Authority պորտալի խմբագիրները հարցում են անցկացրել խելացի ժամացույցների եւ ֆիթնես թրեքերների օգտատերերի շրջանում՝ պարզելու համար՝ արդյո՞ք մասնավոր լիցքավորիչի օգտագործումը խնդիրներ է ստեղծում։ Հետազոտության արդյունքները հրապարակվել են Android Authority-ի կայքում։
Հարցման ընթացքում պարզվել է, որ ընթերցողների 57.8 տոկոսը խնդրի է բախվել, երբ իրենց կրելի սարքերն անջատվել են՝ ձեռքի տակ ունիվերսալ լիցքավորիչի բացակայության պատճառով, ինչպես սովորաբար լինում է, օրինակ, սմարթֆոնների դեպքում: Ընդ որում, ռեսուրսի որոշ ընթերցողներ նշել են, որ որոշ ժամացույցների լրիվ լիցքավորումը կարող է բավարար չլինել նույնիսկ մեկ օր օգտագործման համար։ Սակայն հարցվածների 31.7 տոկոսը պատասխանել է, որ խնդիրներ չի ունեցել ձեռքի տակ ունիվերսալ լիցքավորիչի բացակայության պատճառով։ Օգտատերերը ենթադրում են, որ այս խնդիրը պայմանավորված է նրանով, որ իրենց գաջեթներն մարտկոցի մեծ տարողունակություն ունեն, ինչի պատճառով մշտական վերալիցքավորման կարիք չկա։
Ընդ որում, Android Authority-ի՝ հարցմանը մասնակցած ընթերցողների 10.5 տոկոսը խելացի ժամացույցներ կամ ֆիթնես թրեքերներ չունեն:
Հարցման մասնակից Դիոն Բեյքերը նշել է, որ տնից դուրս խելացի ժամացույցները լիցքավորելու միակ միջոցը հնարավորության դեպքում անլար լիցքավորման օգտագործումն է։ Բեյքերը հայտնել է, որ նա իր Samsung Galaxy Watch 4-ը լիցքավորում է Galaxy S21-ի ռեվերսիվ լիցքավորման գործառույթի օգնությամբ: Այդպիսով, սմարթֆոնը որպես անլար արտաքին մարտկոց է գործում:
