Հայաստանի մարզերի մեծ մասում մայիսի 25-ի գիշերը ժամանակ առ ժամանակ սպասվում է անձրեւ եւ ամպրոպ, որոնք առանձին հատվածներում ցերեկը կշարունակվեն, տեղ-տեղ հնարավոր է նաեւ կարկուտ։ Ամպրոպի ժամանակ օդերեւութաբանները արեւմտյան քամու ուժգնացում են կանխատեսում՝ մինչեւ 15-20 մ/վրկ։ Օրվա երկրորդ կեսից կսկսվի օդի ջերմաստիճանի աստիճանական բարձրացում։ Ինչպես NEWS.am-ին հայտնել են «Հայպետհիդրոմետ»-ից, Երեւանում գիշերը ժամանակ առ ժամանակ սպասվում է կարճատեւ անձրեւ եւ ամպրոպ, ամպրոպի ժամանակ՝ քամու ուժգնացում՝ մինչեւ 15-18 մ/վ: Օրվա երկրորդ կեսին կդիտվի առանց տեղումների եղանակ։ Առաջիկա գիշերը մայրաքաղաքում կլինի +7 +9, վաղը ցերեկը՝ +20 +22 աստիճան:
Օդի ջերմաստիճանը մարզերում.
Շիրակում գիշերը՝ -1 +2, ցերեկը՝ +10 +14,
Կոտայքի լեռներում գիշերը՝ 0 +3, ցերեկը՝ +10 +13,
Կոտայքի նախալեռներում գիշերը՝ +5 +7, ցերեկը՝ +15 +18,
Սեւանա լճի ավազանում գիշերը՝ -1 +2, ցերեկը՝ +8 +11,
Լոռիում գիշերը՝ 0 +5, ցերեկը՝ +11 +16,
Տավուշում գիշերը՝ +4 +8, ցերեկը՝ +14 +18,
Արագածոտնի լեռներում գիշերը՝ -1 +2, ցերեկը՝ +10 +13,
Արագածոտնի նախալեռներում գիշերը՝ +4 +7, ցերեկը՝ +17 +20,
Արարատում գիշերը՝ +9 +11, ցերեկը՝ +20 +23,
Արմավիրում գիշերը՝ +8 +10, ցերեկը՝ +20 +22,
Վայոց ձորի լեռներում գիշերը՝ 0 +2, ցերեկը՝ +9 +12,
Վայոց ձորի նախալեռներում գիշերը՝ +9 +11, ցերեկը՝ +20 +22,
Սյունիքի հովիտներում գիշերը՝ +8 +11, ցերեկը՝ +18 +23,
Սյունիքի նախալեռներում գիշերը՝ +4 +7, ցերեկը՝ +10 +14,
Լեռնային Ղարաբաղում գիշերը՝ +7 +10, ցերեկը՝ +18 +22։