News
Լրահոս
News
Երեքշաբթի
Մարտ 19
Տեսնել լրահոսը

Լեհաստանի վարչապետ Մատեուշ Մորավեցկին հայտարարել է, որ Ռուսաստանի դեմ նավթի էմբարգոն «վիճելի պահ է», ինչը դժվարացնում է Եվրամիության պատժամիջոցների հաջորդ փուլի շուրջ համաձայնության հասնելը:

Դավոսի Համաշխարհային տնտեսական ֆորումի ժամանակ CNN-ի հետ զրույցում Մորավեցկին ասել է, որ Լեհաստանն «աշխատում է միասնության համար» նավթի էմբարգոյի հարցում, սակայն դա դժվար է ծով ելք չունեցող երկրների համար, ինչպիսիք են Հունգարիան, Սլովակիան, Ավստրիան եւ Չեխիան:

«Կարծում եմ, որ մենք կկարողանանք փոխզիջում գտնել 27 երկրների միջեւ, որպեսզի նավթի էմբարգոն ավելի արագ կիրառվի եւ որոշ խոչընդոտներ վերացվեն եվրոպական բյուջեի օգնությամբ»,- ասել է նա։

Մորավեցկին հավելել է, որ ԵՄ որոշ երկրներ կարող են այդքան ակտիվ չլինել եւ «թաքնվել» Հունգարիայի առաջնորդ Վիկտոր Օրբանի թիկունքում։

Պատասխանելով ԵՄ պատժամիջոցների հաջորդ փուլի մասին հարցին՝ Մորավեցկին ընդգծել է, որ ռուսական ակտիվների բռնագրավումն ամենաշատը Ռուսաստանին կվնասի։

«Հաջորդ՝ ամենապատասխանատու փուլը օլիգարխների փողերի բռնագրավումն է, Ռուսաստանի Դաշնության ակտիվների բռնագրավումը, քանի որ սա է իրական ցավը, որը կզգա Ռուսաստանը, եւ մեղավորը պետք է կրի պատերազմի գինը»,- ասել է նա՝ հավելելով, որ «բոլոր պատժամիջոցները կարեւոր են, բայց եթե մենք իսկապես ցանկանում ենք, որ պատժամիջոցները ցավոտ լինեն ագրեսորի, ռազմական հանցագործի համար, մենք պետք է բռնագրավենք Ռուսաստանի Դաշնության ակտիվները»։

Մորավեցկին ներկայիս ճգնաժամն անվանել է «շրջադարձային կետ Եվրոպայի, եւ գուցե ամբողջ աշխարհի պատմության մեջ»՝ կոչ անելով հետագա ֆինանսական, ռազմական եւ հումանիտար օգնության, որպեսզի «Ռուսաստան կոչվող այս գաղութատիրական, կայսերական, ազգայնական տերությունը հաջողության չհասնի»։

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Եթե Պուտինը հաղթի Ուկրաինայում, դա վտանգավոր կլինի Ադրբեջանի համար. ՆԱՏՕ-ի գլխավոր քարտուղար
Անշուշտ, Ադրբեջանը ՆԱՏՕ-ի համար կարևոր է նաև էներգետիկ անվտանգության պատճառով...
Հարավային Կորեան հայտնել է, որ Հյուսիսային Կորեան 7000 կոնտեյներ զինամթերք է մատակարարել Ռուսաստանին
Հայտարարությունը հնչել է մի քանի ժամ անց այն բանից հետո...
Ռուսաստանը հայտնել է, որ Ղրիմում ահաբեկչություն է կանխել
Կնոջ մոտից առգրավվել են ինքնաշեն հրկիզող սարքեր և կապի միջոցներ, որոնց վրա հայտնաբերվել է նամակագրություն ուկրաինացի համակարգողի հետ...
Պուտին. Ռուսաստանը կարող է «սանիտարական գոտի» ստեղծել Ուկրաինայում
Պուտինը չի հստակեցրել, թե որքան կարող է լինել «սանիտարական գոտու» խորությունը...
Չեխիան զինամթերք է գնում Ուկրաինայի համար, այդ թվում՝ Ռուսաստանի դաշնակիցներից. WSJ
Խոսքը 300 հազար խորհրդային արտադրության արկերի մասին է, մոտ 500 հազար՝ արեւմտյան արտադրության...
Եվրահանձնակատարը հայտնել է, որ հակամարտությունն Ուկրաինայում փոխել է ԵՄ տնտեսական պատկերը
Հակամարտությունն Ուկրաինայում փոխել է պատկերը...
Ամենաշատ