News
Լրահոս
News
Երեքշաբթի
Մարտ 19
Տեսնել լրահոսը

2022 թվականի սկզբին ինչպես համաշխարհային տնտեսության, այնպես էլ Հայաստանի տնտեսության մեջ տնտեսական ակտիվության ուժեղ վերականգնում է դիտարկվում։ Հայաստանում 12-ամսյա գնաճը ավելի արագ է նվազել, քան սպասվում էր։ Այս մասին Ազգային ժողովի նիստում Կենտրոնական բանկի անցած տարվա գործունեության տարեկան հաշվետվության քննարկման ժամանակ հայտարարեց Կենտրոնական բանկի նախագահ Մարտին Գալստյանը։

Սակայն, ըստ նրա, փետրվարի վերջին ռուս-ուկրաինական հակամարտության սրումը եւ Ռուսաստանի Դաշնության հանդեպ կիրառված պատժամիջոցներն աննախադեպ անորոշություն են ստեղծել տարածաշրջանային տնտեսական գործընթացների առումով։ «Բավականին բարձր անորոշությունների եւ բազմակողմ ռիսկերի ձեւավորման պայմաններում Կենտրոնական բանկը իրավիճակի հետագա զարգացման մի շարք սցենարներ է մշակել, որոնցից մեկն ընկած է դրամավարկային քաղաքականության ընթացիկ ծրագրի հիմքում։ Ըստ այս սցենարի՝ ռուս-ուկրաինական ռազմաքաղաքական հակամարտության եւ Ռուսաստանի նկատմամբ կիրառվող պատժամիջոցների հետեւանքով այս տարի սպասվում է երկրների, ինչպես նաեւ Հայաստանի միջազգային եւ հիմնական գործընկերների տնտեսական աճի տեմպերի զգալի դանդաղում։ Ռուսաստանի դեպքում սպասվում է տնտեսական անկում»,- հայտնեց ԿԲ նախագահը։

Նա նշեց, որ էներգակիրների համաշխարհային շուկաներում եւ պարենային ապրանքների շուկաներում գնային միջակայքը շարունակում է զգալիորեն ընդլայնվել։ Միաժամանակ աճում են սպասելիքները՝ կապված գների աճի հետ։ «Այդ գործընթացները եւ Ռուսաստանի նկատմամբ կիրառվող կոշտ պատժամիջոցները էական բացասական ազդեցություն կունենան Հայաստանի տնտեսության վրա, ինչը հիմնականում կանդրադառնա արդյունաբերական աճի տեմպերի դանդաղման եւ դրամական փոխանցումների կրճատման վրա»,- ընդգծեց Գալստյանը։

Նրա խոսքով, տնտեսական աճի ցուցանիշը զգալիորեն նվազել է եւ, ըստ ԿԲ կանխատեսումների, կկազմի 1,6 տոկոս։

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Եթե Պուտինը հաղթի Ուկրաինայում, դա վտանգավոր կլինի Ադրբեջանի համար. ՆԱՏՕ-ի գլխավոր քարտուղար
Անշուշտ, Ադրբեջանը ՆԱՏՕ-ի համար կարևոր է նաև էներգետիկ անվտանգության պատճառով...
Հարավային Կորեան հայտնել է, որ Հյուսիսային Կորեան 7000 կոնտեյներ զինամթերք է մատակարարել Ռուսաստանին
Հայտարարությունը հնչել է մի քանի ժամ անց այն բանից հետո...
Ռուսաստանը հայտնել է, որ Ղրիմում ահաբեկչություն է կանխել
Կնոջ մոտից առգրավվել են ինքնաշեն հրկիզող սարքեր և կապի միջոցներ, որոնց վրա հայտնաբերվել է նամակագրություն ուկրաինացի համակարգողի հետ...
Պուտին. Ռուսաստանը կարող է «սանիտարական գոտի» ստեղծել Ուկրաինայում
Պուտինը չի հստակեցրել, թե որքան կարող է լինել «սանիտարական գոտու» խորությունը...
Չեխիան զինամթերք է գնում Ուկրաինայի համար, այդ թվում՝ Ռուսաստանի դաշնակիցներից. WSJ
Խոսքը 300 հազար խորհրդային արտադրության արկերի մասին է, մոտ 500 հազար՝ արեւմտյան արտադրության...
Եվրահանձնակատարը հայտնել է, որ հակամարտությունն Ուկրաինայում փոխել է ԵՄ տնտեսական պատկերը
Հակամարտությունն Ուկրաինայում փոխել է պատկերը...
Ամենաշատ