Մայիսի 25-ին, ժամը 00:16-ին Ճգնաժամային կառավարման ազգային կենտրոն ահազանգ է ստացվել, որ Երևանի Իսակովի պողոտայում գտնվող «Դիջիթեյն» ընկերության մոտակայքում տեղի է ունեցել ՃՏՊ, բախվել են ավտոմեքենաներ․ կան տուժածներ:
ԱԻՆ-ից NEWS.am-ին հայտնում են, որ դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ «Mercedes-Benz S500» (վարորդ՝ Ե․ Դ․, ծնված 1963 թ.) մակնիշի ավտոմեքենան բախվել է կայանած «BMW 3» (վարորդ՝ Ն․ Ա․) մակնիշի ավտոմեքենային։
Փրկարարները հոսանքազրկել են ավտոմեքենաները, ուղևորներ Ռ․ Ս․-ին (ծնված 1969 թ.) և Գ․ Դ․-ին մոտեցրել շտապօգնության ավտոմեքենային. տուժածները հոսպիտալացվել են «Էրեբունի» ԲԿ:
