News
Լրահոս
News
Երկուշաբթի
Հունիս 27
USD
408.56
EUR
430.54
RUB
7.67
Տեսնել լրահոսը

Վրաստանին «հստակություն եւ ադեկվատ ու ակտուալ արձագանք» է անհրաժեշտ Եվրամիության կողմից իր եվրոպական նկրտումներին։ Այս մասին հայտարարել է Վրաստանի վարչապետ Իրակլի Ղարիբաշվիլին՝ ելույթ ունենալով Համաշխարհային տնտեսական ֆորումի «ԵՄ՝ իր հարեւանների հետ գործընկերության վերաիմաստավորում» պանելային քննարկման ժամանակ, գրում է Agenda.ge-ն։

Ղարիբաշվիլին ընդգծել է, որ վրացիները «շատ թանկ գին» են վճարել 1990-ականներին անկախության վերականգնումից հետո. մեկ տասնամյակում երկու կոնֆլիկտ Աբխազիայում եւ Հարավային Օսիայում, Ռուսաստանի հետ «լայնածավալ պատերազմը» 2008-ին:

«Մենք հասկանում ենք այն անհանգստությունը, որ կա Եվրամիությունում, քանի որ նրանք չեն ցանկանում այդ բոլոր խնդիրները «ներմուծել» եվրոպական ընտանիք: Բայց մենք նաեւ հասկանում ենք, որ թեկնածուի կարգավիճակ տալն անդամակցություն չի ​​նշանակում։ Դա դեռ երկար գործընթաց է: Մենք դա հասկանում ենք։ Մենք ունենք մեր տնային առաջադրանքը՝ Ասոցացման համաձայնագիրը [ԵՄ-ի հետ]: Բայց մեզ հստակություն, ադեկվատ եւ ակտուալ արձագանք է պետք Եվրամիության կողմից»,- ասել է Ղարիբաշվիլին:

«Ուզում եմ ձեզ հիշեցնել 2008 թ. [Ռուսաստանի հետ] պատերազմի մասին։ Այն ժամանակ, ցավոք, մենք չտեսանք այն միասնությունը, որն այսօր կա [Ուկրաինայի հետ]։ Մենք ողջունում ենք այդ միասնությունը։ Դա հրաշալի է։ Դա ամբողջ աշխարհի, քաղաքակիրթ աշխարհի շատ ուժեղ արձագանքն է»,- ասել է նա:

Ղարիբաշվիլին նաեւ նշել է, որ Վրաստանի բնակչության ավելի քան 80 տոկոսը կողմ է այն գաղափարին, որ «Վրաստանը պետք է եվրոպական ընտանիքի անդամ դառնա»։ «Կրկին, դա [պարզապես] մեր կառավարության ընտրությունը չէ։ Մենք ձգտել ենք, մենք դարեր շարունակ փորձել ենք մոտենալ Եվրամիությանը։ Մենք դարեր շարունակ փորձել ենք քաղաքակիրթ աշխարհի մաս դառնալ։ Այժմ մենք պետք է արդարացնենք մեր ժողովրդի ակնկալիքները, քանի որ մեր տեսանկյունից մենք շատ հավատարիմ ենք եվրոպական արժեքներին եւ սկզբունքներին»,- եզրափակել է Վրաստանի վարչապետը։

!
Այս նյութը հասանելի է նաև   Русский
Տպել
Կարդացեք նաև
Ամբողջը
ԵՄ առաջնորդները հավանություն են տվել Խորվաթիայի անցմանը եվրոյի
Հայտնի է, որ ԵՄ օրենսդիրների եւ Եվրոպական կենտրոնական բանկի հետ բանակցություններից հետո գործընթացը հուլիսին կավարտվի՝ ակնկալվող 3 օրենսդրության ընդունմամբ, որոնք հնարավորություն կտան իրականացնել արտարժույթի փոփոխությունը:
Մոլդովայի նախագահը հայտարարել է ԵՄ անդամակցության համար ցանկացած գին վճարելու պատրաստակամության մասին
Մեր խնդիրն է անել ամեն ինչ, որ քաղաքացիները կարողանան ապրել խաղաղության եւ կայունության մեջ․․․
Կրեմլն անդրադարձել է Մոլդովային եւ Ուկրաինային ԵՄ-ի թեկնածուների կարգավիճակ տրամադրելուն
Դրանք, իհարկե, եվրոպական ներքին գործեր են, ասել է Պեսկովը...
Պատերազմը հեշտացրե՞ց Ուկրաինայի եվրոպական երազանքի իրագործումը, թե՞ բարդացրեց. Արմեն Աշոտյան
Կարծիքներ եմ տեսնում երեկ Եվրոպական Միության կողմից Ուկրաինային...
Եվրախորհրդարանն աջակցել է Ուկրաինային ԵՄ անդամակցության թեկնածուի կարգավիճակ տրամադրելուն
Եվրախորհրդարանը ճնշող մեծամասնությամբ բանաձեւ է ընդունում Ուկրաինայի, Մոլդովայի եւ Վրաստանի թեկնածուական կարգավիճակի մասին․․․
Ալբանիայի վարչապետը Ուկրաինային խորհուրդ է տվել պատրանքներ չունենալ թեկնածուի կարգավիճակի վերաբերյալ
Բացի այդ, Ռաման «ամոթ» է անվանել Տիրանայի հայտի դանդաղ առաջընթացը․․․
Ֆոտոռեպորտաժներ