News
Լրահոս
News
Երկուշաբթի
Հունիս 27
USD
409.64
EUR
433.52
RUB
7.69
Տեսնել լրահոսը


«Դիմադրություն» շարժման մասնակիցները Ֆրանսիայի հրապարակից ենթ են սկսել դեպի Բարձրագույն դատական խորհուրդ, որպեսզի սատարեն 44-օրյա պատերազմում զոհված և անհետ կորած ծնողների հարազատներին, որոնք ԲԴԽ–ի դիմաց բողոքի ակցիա են անելու՝ վարչապետ Նիկոլ Փաշինյանի նկատմամբ պետական դավաճանության հատկանիշներով քրեական գործ հարուցելու պահանջով։

«Շարժվում ենք դեպի ԲԴԽ՝ միանալու մեր զոհված զինծառայողների ծնողներին, պահանջ ունենք բարձրացնելու»,- հայտարարեց «Հայրենիք» կուսակցության նախագահ Արթուր Վանեցյանը։

«Հայաստան» խմբակցության պատգամավոր Արամ Վարդևանյանն ասաց, որ դատական համակարգը փաստացի գոյություն չունեցող վիճակի է հասել։ Նրա խոսքով, Վերաքննիչ քրեական դատարանում Նիկոլ Փաշինյանի կողմից պետական դավաճանության հատկանիշներով քրգործ հարուցելու պահանջով բողոքի քննություն ժամանակ հերթական խայտառակությունն է եղել. «Նույն ԲԴԽ ենթակայության տակ գտնվող դատական կարգադրիչները ծնողների հետ արա-ով են խոսել։ Նման վարքագիծ չէինք պատկերացնի, դա էլ է տեղի ունեցել։ Հիմա ծնողները հավաքվել են ԲԴԽ դիմաց։ Գնում ենք միանալ իրենց։ Հաստատ ասելիք ունենալու ենք»,- ասաց Վարդևանյանը։

Հիշեցնենք, որ զոհված զինծառայողների ծնողներն այսօր կդիմեն ՀՀ բարձրագույն դատական խորհրդին՝ ԲԴԽ-ին և կպահանջեն, հաշվի առնելով Նիկոլ Փաշինյանի կողմից պետական դավաճանության հատկանիշներով քրգործ հարուցելու պահանջով բողոքի  կարևորությունը, չեղարկել դատարանի երեկվա կայացրած որոշումը և դատավարությունը շարունակել դռնբաց կարգով, թուլատրելով և ծնողներին, և լրագրողներին մասնակցել նիստերին, ապահովելով նաև այդ նիստերի հասանելիությունը հանրությանը:

Նախօրեին ԱԺ փոխնախագահ, «Հայաստան» խմբակցության պատգամավոր  Իշխան Սաղաթելյանը հայտարարել է, որ քանի որ Հայաստան է ժամանում Չեռնոգորիայի նախագահը, նրան նույնպես պետք է ցույց տան, որ Նիկոլ Փաշինյանը Հայաստանում իշխանություն չունի։

«Կգնանք ԲԴԽ, կանենք ինչ անհրաժեշտ է։ Իսկ ժամը 15.30 բոլորս հավաքվում ենք այս հրապարակում։ Պետք է պատշաճ կերպով դիմավորենք և հետապնդենք Հայաստանում գտնվող ցանկացած միջազգային պատվիրակություն  և ցույց տանք, որ Նիկոլը չունի մանդատ ժողովրդի անունից որևէ մեկի հետ հանդիպելու և բանակցելու»,– ասել է նա։

Նախօրեին «Դիմադրություն» շարժման մասնակիցները Ֆրանսիայի հրապարակից երթով շարժվել են Բաղրամյան պողոտա, որտեղ շրջափակել են նախագահական նստավայրը եւ Անվտանգության խորհրդի շենքը: Իսկ երեկոյան հանրահավաք էր տեղի ունեցել Գարեգին Նժդեհի հրապարակում:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Հրապարակավ հրաժարվում ենք ձեւական հարց ուղարկելուց. Հայտարարությունը ստորագրած խմբագիրների թիվն անցել է 50-ից
Փորձը ցույց է տալիս, որ նման «առցանց շփումները» տեղի են ունենում նախապատրաստված սցենարով, այդ միջոցառումներին հնչում են հիմնականում...
«Ոնց ասեմ, այնպես էլ կքվեարկեն». Վլադիմիր Վարդանյանն ասել է՝ ինքն է որոշելու, թե ՔՊ-ն ոնց քվեարկի. կլինե՞ն անակնկալներ
Վճռաբեկ դատարանի վարչական պալատի դատավորի թափուր տեղի համար ԲԴԽ-ն...
«Ժողովուրդ». Նախկին ընդդիմադիրները թիրախավորում են այլախոհներին
Մանավազյանը, որ այժմ ԱԺ «Քաղաքացիական պայմանագիր» խմբակցության պատգամավոր է, ՀԺ-ի հաշվապահն է եղել. նա լրագրության...
«Հրապարակ». Քաղաքական գործեր «կարողներին»՝ հավելավճար
Մեզ պատմեցին, որ նախկինում՝ դեռ Գորիկ Հակոբյանի թվերին, քննչական...
«Ժողովուրդ». Պետական պարտքը կրկին աճել է. ինչ է սպասվում դոլարի տատանման հետևանքով
Արտաքին պարտքը կազմել է 6 մլրդ 533 մլն դոլար։ 18.2%-ով աճել է ներքին պարտքը...
«Հրապարակ». ՔՊ-ն ներքին հարցումներ է արել
Բանն այն է, որ շատերին ավելի վաղ խոստացած են եղել, որ նրանց են առաջադրելու...
Ֆոտոռեպորտաժներ