News
Լրահոս
News
Հինգշաբթի
Հուլիս 07
USD
408.2
EUR
416.32
RUB
6.61
Տեսնել լրահոսը

Առկա իրողություններում թվային մեկուսացումը հակաարդյունավետ է եւ այնքան էլ իմաստ չունի։ Այս մասին Եվրասիական տնտեսական համաժողովում ասաց ՀՀ փոխվարչապետ Մհեր Գրիգորյանը։

«Պետք է նշեմ, որ թվային տրանսֆորմացիան մեզ համար ռազմավարական, խարսխային առաջնահերթություն է, եւ դա վերաբերում է այս ուղղությամբ ոչ միայն պետական, այլ նաեւ մասնավոր հատվածի զարգացմանը։ Արդեն կարելի է փաստ համարել, որ թվային փոխակերպումը փոխում է հենց պետական կառավարման մոտեցումները։ Պետությունը սկսում է դիտարկվել որպես հարթակ՝ կետային ծառայությունների մատուցումից դեպի կենսական իրավիճակների համապարփակ լուծման անցնելու համար՝ տվյալների կոպերացիայի միասնական համակարգերի միջոցով: Այս տեսանկյունից Հայաստանի իշխանությունները եկել են այն մտքին, որ թվային օրակարգը կզարգանա, եթե իրենց հաջողվի բարեփոխումներ իրականացնել թվային կառավարման հայեցակարգից թվային հասարակության եւ թվային տնտեսության զարգացմանն անցնելու տրամաբանության մեջ։ Այս կարեւոր բարեփոխման բոլոր հիմնական շահառուները պետք է դառնան դրա ակտիվ մասնակիցները, եւ մենք պետք է ձգտենք դրան»,- ասել է Գրիգորյանը։

Նրա խոսքով, անհրաժեշտ է ներդաշնակորեն շարժվել դեպի համապատասխան ենթակառուցվածքների, որակյալ կապի, թվային անվտանգության համակարգերի եւ որակապես տարբեր կարգավորումների ու իրավական ակտերի զարգացման ուղղությամբ։ Ընդ որում, կանոնակարգերի եւ ակտերի բովանդակությունը մեծ մասամբ պետք է թելադրվի լավ թվային լուծումներով, եւ ոչ թե հակառակը, ինչը կարող է հանգեցնել անարդյունավետ վավերագրական առօրյայի: Այս համատեքստում, իհարկե, մեծ նշանակություն ունի կրթական համակարգը, որը պետք է սերունդներին հետեւողականորեն նախապատրաստի եւ տրամադրի թվային տրանսֆորմացիաների։ «Ես չեմ կարող չշոշափել թվային ինքնիշխանության եւ գլոբալ թվային ինտեգրման գործընթացները։ Թվային մեկուսացումը առկա իրողություններում հակաարդյունավետ է եւ այնքան էլ իմաստ չունի: Մենք բոլորս պետք է ընտրենք լավագույն հասանելի փորձը: Առավել եւս, որ այն ուղղակիորեն վերաբերում է միջսահմանային փոխգործունակության խնդիրներին։ Այս հարցերում մեծ նշանակություն ունի մոտեցումների հավասարակշռությունն ու համարժեքությունը»։

Նրա խոսքով՝ թվային ինքնիշխանության ապահովման համար անհրաժեշտ պայմաններն են տեղեկատվության հավաքագրման, փոխանակման, պահպանման եւ տվյալների վերլուծության ճիշտ մոտեցումները։

Զուգահեռաբար՝ թվային դարաշրջանում կարեւոր են դառնում կիբեռանվտանգության խնդիրները։

Այսպիսով, թվային տեխնոլոգիաների արդյունավետ ներդրումն ու առաջմղումը տնտեսության եւ առեւտրի ոլորտում իրական եւ անվիճելի անհրաժեշտություն է բոլորի համար, եւ միայն այս ուղղությամբ շարժվելով կարելի է նվազագույնի հասցնել եւ նույնիսկ վերացնել առկա խոչընդոտները, ինչը շատ կարեւոր է տնտեսական հարաբերությունների, առեւտրային եւ կոպերացիոն շղթաների ծախսերի կրճատման արդյունավետությունը բարձրացնելու համար։ «Հայաստանը պատրաստ եւ բաց է արդյունավետ փոխգործակցության եւ մասնակցության համատեղ թվային նախագծերի խթանման համար՝ ինչպես ԵԱՏՄ երկրների, այնպես էլ Հանձնաժողովի հետ»,- ասել է նա։

 

!
Այս նյութը հասանելի է նաև   Русский
Տպել
Կարդացեք նաև
Ամբողջը
ԵԱՏՄ-ն 2023թ. պանրի եւ ալկոհոլային թրմերի անմաքս ներկրման քվոտաներ կտրամադրի Սերբիային
Սերբիային քվոտաների տրամադրումը նախատեսված է ազատ առեւտրի գոտու մասին համաձայնագրով...
ԵԱՏՄ-ն անցնում է ինտեգրացիոն ներուժի բացահայտման փուլ. Նիկոլ Փաշինյան
Ի շահ ընդհանուր տնտեսական տարածքի ստեղծման և կայուն տնտեսական աճի...
Միշուստինը հայտարարել է Արեւմուտքի կողմից ԵԱՏՄ առանձին պետությունների վրա ճնշումների ուժեղացման մասին
«Հնգյակի» առանձին պետությունների վրա կոլեկտիվ Արեւմուտքի ճնշումն ուժեղանում է․․․
Միշուստինն առաջարկել է ԵԱՏՄ-ում ընդլայնել ազգային արժույթների կիրառումը
ՌԴ վարչապետը ԵԱՏՄ-ի երկրներին առաջարկել է արագացնել անցումը սեփական միջազգային ֆինանսական հաշվարկային մեխանիզմներին...
Ռուսաստանը կչեղարկի ԵԱՏՄ երկրներ հացահատիկի արտահանման սահմանափակումները. Sputnik Արմենիա
Մեզ տեղեկացրել են, որ սահմանափակումները կչեղարկվեն ոչ միայն ԵԱՏՄ երկրների, այլեւ ընդհանուր առմամբ բոլորի համար...
ԵԱՏՄ դատարանի դատավորները պատրաստ են գումարել քննարկումներ հայ գործարարների մասնակցությամբ
Նրանց հուզող հարցերին պատասխանելու նպատակով...
Ամենաշատ
Ֆոտոռեպորտաժներ