Shell-ը բանակցություններ է վարում հնդկական էներգետիկ ընկերությունների կոնսորցիումի հետ՝ «Սախալին-2»-ում իր մասնաբաժինը վաճառելու համար, գրում է Reuters-ը՝ վկայակոչելով իր աղբյուրները։
Աղբյուրները նշում են, որ Shell-ը վերջերս բանակցություններ է վարել մի խումբ հնդկական ընկերությունների հետ, ներառյալ ONGC Videsh-ը եւ Gail-ը՝ Ռուսաստանի արեւելյան թեւում գտնվող «Սախալին-2» ՀԲԳ արտադրող գործարանի ակցիաների 27,5 տոկոսը վաճառելու համար:
Բանակցությունները հաջորդել են բրիտանական ընկերության՝ իր բոլոր ռուսական գործարքները դադարեցնելու պլաններին՝ երկրից արեւմտյան ընկերությունների դւրս գալու ֆոնին՝ ի պատասխան Ուկրաինայի հակամարտության պատճառով պատժամիջոցների:
Միջազգային էներգետիկ գործակալության տվյալներով՝ Հնդկաստանը գնել է ռուսական էժան նավթ՝ այս տարվա սկզբից ռուսական նավթի արտահանման իր մասնաբաժինը զրոյից հասցնելով 10 տոկոսի։
Ներկայումս Հնդկաստանը Ռուսաստանից մեծ քանակությամբ ՀԲԳ չի գնում, սակայն մտադիր է առաջիկա տասնամյակների ընթացքում կտրուկ ավելացնել գազի սպառումը։