News
Լրահոս
News
Կիրակի
Հունիս 26
USD
408.56
EUR
430.54
RUB
7.67
Տեսնել լրահոսը

Միջազգային ֆինանսների ինստիտուտը կիսով չափ կրճատել է 2022-ի համաշխարհային արտադրության աճի իր կանխատեսումները՝ վկայակոչելով Ուկրաինայի պատերազմի տնտեսական հետեւանքները, Չինաստանի արձագանքը COVID-19 ալիքին եւ ԱՄՆ-ում դրամավարկային քաղաքականության խստացումը:

IIF-ն նաեւ ակնկալում է, որ կապիտալի հոսքերը դեպի զարգացող շուկաներ անցած տարվա համեմատ կնվազեն 42 տոկոսով:

Հիմնվելով իր նոր գնահատականների վրա՝ համաշխարհային բանկային առեւտրային խումբը հայտարարել է, որ ռեցեսիայի ռիսկն աճել է: «Թուլությունը լայն հիմք ունի եւ սխալի քիչ հնարավորություն է թողնում,- զեկույցում գրում են IIF-ի տնտեսագետները:- Գլոբալ ռեցեսիայի վտանգը բարձր է: Այս համատեքստում մենք ակնկալում ենք, որ ոչ ռեզիդենտների հոսքը դեպի զարգացող շուկաներ զգալիորեն կդանդաղի»:

IIF-ն համաշխարհային ՀՆԱ-ի աճի իր կանխատեսումը 4.6 տոկոսից իջեցրել է մինչեւ 2.3 տոկոս, ընդ որում G3-ը՝ ԱՄՆ-ն, եվրոգոտին եւ Ճապոնիան, այս տարի կաճի 1.9 տոկոսով: Չինաստանի աճը կնվազի մինչեւ 3.5 տոկոս՝ նախորդ գնահատականի 5.1 տոկոսից:

«Չինաստանում օմիկրոնի ալիքը սպասվածից ավելի ավերիչ եղավ, եւ զգալի վնաս կհասցնի տնտեսական աճին եւ կապիտալի հոսքերին», - ասվում է IIF-ի հայտարարության մեջ:

Եվրագոտում աճը 3 տոկոսիից կրճատվել է մինչեւ 1 տոկոս, հիմնականում՝ ուկրաինական պատերազմի հետեւանքների պատճառով։ «Կարեւոր է, քանի որ 2021-ից այս տարի վիճակագրական տեղափոխումը 1.9 տոկոսային կետ է կազմում, սա ռեցեսիայի կանխատեսում է, որը ՀՆԱ-ի անկում է ենթադրում տարվա երկրորդ կիսամյակում»:

«Ասիական երկրները պակաս են ենթարկված ուկրաինական պատերազմի հետեւանքով պարենային ապրանքների գների շոկին, քանի որ սննդակարգում ավելի շատ ուշադրություն է դարձվում բրնձին, քանի որ վերջին տարիներին բրնձի գները համեմատաբար ցածր են մնացել եւ ընդհանուր առմամբ ավելի քիչ են ենթարկված պարենային ապրանքների համաշխարհային գների վրա»,- ասվում է IIF-ի հայտարարության մեջ:

Զեկույցի համաձայն՝ կապիտալի հոսքերը դեպի զարգացող շուկաներ, ինչպես սպասվում է, «զգալի» կդանդաղեն, ընդ որում, ոչ ռեզիդենտների հոսքերը նախորդ տարվա 1.68 տրիլիոն դոլարից կնվազեն մինչեւ 972 միլիարդ դոլար: Այդ թիվն ընկնում է մինչեւ 645 միլիարդ դոլար, եթե բացառենք Չինաստանը, 1.0 տրիլիոն դոլարի համեմատ:

Մեքսիկան, Արգենտինան եւ Վենեսուելան Լատինական Ամերիկայի այն սակավաթիվ երկրներից են, որտեղ այս տարի ընդհանուր հոսքի աճ է սպասվում, թեեւ բոլոր դեպքերում աճը տեղի է ունենում կտրուկ ցածր մակարդակներից: Ակնկալվում է, որ հոսքերը դեպի Բրազիլիա կկրճատվեն գրեթե երկու անգամ՝ մինչեւ 55.3 միլիարդ դոլար:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Սթոլթենբերգը կարծում է, որ Ուկրաինայում ռազմական հակամարտությունը բանակցությունների միջոցով կլուծվի
Մենք պատասխանատու ենք, որ ապահովվի Ուկրաինայի հնարավորինս ուժեղ դիրքը...
ՌԴ ԱԳՆ-ը գնահատել է Ուկրաինայում հատուկ գործողության վերաբերյալ Ադրբեջանի դիրքորոշումը
ՌԴ ԱԳՆ ղեկավարն ասել է, որ Ռուսաստանը գնահատում է․․․
Պատերազմը հեշտացրե՞ց Ուկրաինայի եվրոպական երազանքի իրագործումը, թե՞ բարդացրեց. Արմեն Աշոտյան
Կարծիքներ եմ տեսնում երեկ Եվրոպական Միության կողմից Ուկրաինային...
Թուրքիան եւ Ռուսաստանը վստահում են միմյանց. Չավուշօղլու
Կողմերի միջեւ վստահություն կա, ասել է Չավուշօղլուն...
Մոլդովան կպաշտպանի ԵՄ-ի նոր պատժամիջոցները Ռուսաստանի դեմ
ԵՄ թեկնածուի կարգավիճակը պարտավորեցնում է Մոլդովային պաշտպանել նոր պատժամիջոցները Ռուսաստանի դեմ...
Եվրոպական խորհուրդն Ուկրաինային եւ Մոլդովային շնորհեց ԵՄ թեկնածու երկրի կարգավիճակ․ Լյուքսեմբուրգի վարչապետ
Պատմական պահ եւ հույսի ազդանշան ուկրաինացի ժողովրդի համար...
Ֆոտոռեպորտաժներ