Պետական սահմանային կոմիտեն տեղեկացնում է, որ սահմանային անվտանգությունն ապահովելու նպատակով հունիսի 1-ից օգոստոսի 31-ը ժամանակավորապես սահմանափակվել է քաղաքացիների մուտքը, ժամանակավոր գտնվելը Գոմելի մարզի Բրագին, Լոեւսկի եւ Խոյնիկի շրջանների տարածքում սահմանային գոտում։ Այս մասին հայտնում է ԲԵԼՏԱ-ն՝ վկայակոչելով Պետական սահմանային կոմիտեն։
«Սահմանափակումները չեն տարածվում նշված տարածքում պետական սահմանի պաշտպանության միջոցառումներին մասնակցող աշխատանքային (ծառայողական) պարտականություններ կատարող անձանց վրա։ Այս ընթացքում կասեցվում է նաեւ անցագրերի տրամադրումը Գոմելի շրջանի Բրագին, Լոեւսկի եւ Խոյնիկի շրջանների սահմանային գոտի այցելությունների համար։ Սահմանային գոտու սահմանները կարելի է գտնել Բելառուսի հանրային կադաստրային քարտեզի վրա»,- ասվում է հաղորդագրության մեջ։