Թբիլիսում մեկնարկել է Հայաստանի նախագահ Վահագն Խաչատուրյանի և Վրաստանի նախագահ Սալոմե Զուրաբիշվիլիի համատեղ հայտարարությունը։ Հիշեցնենք, որ Հայաստանի Հանրապետության նախագահ Վահագն Խաչատուրյանն այսօր պաշտոնական այցով մեկնել է Վրաստան։
Իր խոսքում Վահագն Խաչատուրյանը նշել է. «Նախեռւառաջ շնորհակալություն եմ հայտնում մեծարգո տիկին Զուրաբիշվիլիին ջերմ ընդելության եւ արդյունավետ քննարկումների համար: Ուրախ եմ ՀՀ նախագահի կարգավիճակում առաջին պաշտոնական այցս կատարել հյուրընկալ հարեւան երկիր:
Տարին առանձնահատուկ է մեր հարաբերությունների համար, լրավում է դիվանագիտական հարաբերությունների հաստատման 30-ամյակը: Թեեւ միջպետական հարաբերություններն ընդամենը 30 տարեկան են, բայց մեր երկրների միջեւ բարեկամությունն ունի հազարամյակների պատմություն: Հայաստանը մեծ կարեւորություն է տալիս հարեւան Վրաստանի հետ հարաբերությունների շարունակական զարգացմանն ու ամրապնդմանը:
Հայ-վրացական հարաբերությունները դինամիկ զարգացում են արձանագրել:
Այսօր ես եւ տիկին նախագահն ունեցել ենք բավականին հագեցած քննարկում: Դրանք ներառել են ամենատարբեր ոլորտները՝ տրանսպորտ, կապ, հաղորդակցություն, տեղեկատվական տեխնոլոգիաներ, հումանիտար հարցեր եւ այլն: Մասնավորապես, քննարկել ենք ենթակառուցվածքային ծրագրերի վերաբերյալ հարցեր, որոնք միտված են ապահովելու տրանսպորտային եւ հաղորդակցության նախագծերում անհրաժեշտ ներգրավվածությունը, ինչպիսիք են Պարսից ծող-Սեւ ծով միջազգային տրանսպորտային միջանցքը»:
ՀՀ նախագահի խոսքով, երկկող օրակարգից զատ իրենք անդրադարձել են նաեւ անվտանգային, քաղաքական եւ տարչածաշրջանային նշանակության հարցերը:
