Ռուսաստանի նախագահ Վլադիմիր Պուտինի եւ ուկրաինացի գործընկեր Վլադիմիր Զելենսկու հանդիպումն ապրիորի բացառված չէ, այն պետք է պատրաստված լինի եւ վերջնական տեսքի բերվի փաստաթղթով, որի ուղղությամբ աշխատանքները դադարեցվել են, ասել է ՌԴ նախագահի մամուլի քարտուղար Դմիտրի Պեսկովը, փոխանցում է «ՌԻԱ Նովոստի»-ն:
«Մեր դիրքորոշումը եւ Ռուսաստանի նախագահի դիրքորոշումը Զելենսկու հետ հանդիպման վերաբերյալ քաջ հայտնի է... Ապրիորի ոչ ոք նման հանդիպում չի բացառում, երբեք չի բացառել, բայց այն պետք է պատրաստված լինի, եւ Պուտինի ու Զելենսկու հանդիպումն իմաստ ունի միայն որոշակի փաստաթուղթ վերջնական տեսքի բերելու համար, իսկ փաստաթղթի ուղղությամբ աշխատանքը վաղուց դադարեցվել է եւ դրանից հետո չի վերսկսվել»,- ասել է Պեսկովը՝ պատասխանելով Պուտինի և Զելենսկու հանդիպման հնարավորության մասին հարցին։