Ուկրաինայի պատերազմը Երկրորդ համաշխարհային պատերազմից հետո «խորը շրջադարձային կետ» դարձավ Եվրոպայի պատմության մեջ։ Այս մասին հայտարարել է Գերմանիայի նախկին կանցլեր Անգելա Մերկելը, գրում է DW-ը։
«Ես համերաշխություն եմ հայտնում Ուկրաինային, որը ենթարկվել է Ռուսաստանի հարձակման եւ ներխուժման, եւ պաշտպանում եմ նրա ինքնապաշտպանության իրավունքը»,-ասել է նա։
Նրա խոսքով՝ այս փուլում ոչ ոք չի կարող կանխատեսել, թե կատարվածի հետեւանքները որքան հեռուն կգնան։
Մերկելը նշել է, որ ապագայում կցանկանար ակտիվ մնալ եվրոպական մակարդակով։ Սակայն Մերկելը չի նշել կոնկրետ պաշտոնը, որը նախատեսում է ստանձնել։
