Արաբական Միացյալ Էմիրությունները բնակչության 100 տոկոսը պատվաստել է COVID-19-ի դեմ, հայտնում է WAM պետական լրատվական գործակալությունը։
ԱՄԷ-ն «հայտարարում է, որ թիրախային կատեգորիաների 100 տոկոսը պատվաստվել է»:
«ԱՄԷ-ն Առողջապահության եւ կանխարգելման նախարարության միջոցով աշխատում էր հասարակության բոլոր անդամներին COVID-19-ի դեմ պատվաստանյութ տրամադրելու ուղղությամբ, որպեսզի նրանք պատվաստումների եւ իմունիզացման միջոցով իմունիտետ ձեռք բերեն, ինչն իր հերթին նվազեցնում է դեպքերի թիվը եւ վերահսկում վիրուսի տարածումը»,- ասվում է հաղորդագրության մեջ։
