Գորիսում 14-ամյա աղջկա հղիության կապակցությամբ բարձրացած մեծ աղմուկը հանդարտվել է այն բանից հետո, երբ հաստատվել է, որ աղջկա նկատմամբ սեռական բռնություն կատարածը նրա հարազատ հայրը չէ: Մինչդեռ քրեական գործի նախաքննությունը շարունակվում է, եւ նոր փորձաքննություններ են նշանակվել:
Գորիսի ոստիկանության քննչական բաժնի պետ Զարմիկ Հարությունյանը թերթի թղթակցի հետ զրույցում ասել է, որ նշանակվել են ԴՆԹ-ի նոր փորձաքննություններ եւ անցնողներն աղջկա հասակակիցներ են: Նա նաեւ նշել է, որ նախկինում Գորիսում նման դեպք երբեւէ չի գրանցվել:
