Պետական դումայի պատգամավոր, ԱՊՀ գործերի եւ հայրենակիցների հետ կապերի կոմիտեի նախագահի առաջին տեղակալ Կոնստանտին Զատուլինը հունիսի 1-4-ը Հայաստանի Հանրապետությունում էր։ Այս մասին տեղեկացվել է Զատուլինի Telegram-ալիքում։
Ինչպես նշվել է հաղորդագրությունում, ուղեւորության նպատակը ծանթանալն էր ընթացիկ հասարակական-քաղաքական իրավիճակին եւ արցախյան հակամարտության կարգավորման գործընթացին, ռուսաստանցի հայրենակիցների հետ կապերի զարգացմանը։
«Կոնստանտին Զատուլինը հանդիպել է Լեռնային Ղարաբաղի Հանրապետության բոլոր նախկին նախագահների՝ Լեռնային Ղարաբաղի Հանրապետության առաջին նախագահ Ռոբերտ Քոչարյանի (Հայաստանի Հանրապետության նախագահ 1998-2008թթ.), Արկադի Ղուկասյանի, Բակո Սահակյանի, ինչպես նաեւ ԼՂՀ գործող նախագահ Արայիկ Հարությունյանի հետ։ Պատգամավորը խոսել է Արցախում ռուսական խաղաղապահ զորակազմի հրամանատար, գեներալ-մայոր Անդրեյ Վոլկովի եւ Արցախի ռուսական համայնքի ղեկավար Ալեքսանդր Բորդովի հետ»,- նշվել է հաղորդագրությունում։
Կոնստանտին Զատուլինը հունիսի 3-ին ներկա է գտնվել հայ նշանավոր երաժիշտ Լեւոն Մալխասյանի ելույթին նրա ջազ-ակումբում։
Երեւանում ՌԴ դեսպանատանը հունիսի 4-ին Կոնստանտին Զատուլինը հանդիպել է Հայաստանում Ռուսաստանի Արտակարգ եւ լիազոր դեսպան Սերգեյ Կոպիրկինի հետ։
Ընկերների եւ գործընկերների հետ բազմաթիվ հանդիպումների ընթացքում ճշտվել են Հայաստանում Լազարյան ակումբի հաջորդ նիստի անցկացման, ինչպես նաեւ ԱՊՀ երկրների ինստիտուտի հայկական մասնաճյուղի գործունեության հեռանկարները։
