Հեռուստատեսության եւ ռադիոյի հանձնաժողովը 2021-ին նախատեսված 3 միջոցառումից իրականացրել է 1 ծրագիր։ Այս մասին Ազգային ժողովում հունիսի 7-ին մշտական ​​խորհրդարանական հանձնաժողովների համատեղ նիստին 2021 թ. պետ​​բյուջեի կատարողականի նախնական քննարկման ժամանակ ասաց ՀՀ ֆինանսների նախարար Տիգրան Խաչատրյանը։

Նախարարը նշեց, որ պետբյուջեից հատկացվել է ավելի քան 315 մլն դրամ։ Ընդ որում,կատարողականը կազմել է 97.3 տոկոս։

«Միաժամանակ Հանրային հեռարձակողի խորհուրդը հաշվետու ժամանակահատվածում իրականացրել է 1 ծրագիր՝ 6 միջոցառմամբ, ինչի համար հատկացվել է 7 մլրդ 51 մլն դրամ։ Կատարողականը՝ 100 տոկոս»,- ասաց Խաչատրյանը։