Ֆինլանդիայի վարչապետ Սաննա Մարինը կորոնավիրուսի թեստ է հանձնել, որի պատասխանը դրական է եղել։ Այս մասին քաղաքական գործիչը հայտնել է սոցցանցերի իր էջերից մեկում։
«Երեկ երեկոյան ես ջերմություն ունեի, իսկ այսօր առավոտյան տնային թեստ արեցի կորոնավիրուսի համար, որը, պարզվեց, դրական է»,- գրել է քաղաքական գործիչը։
Վարչապետի խոսքով՝ իր ախտանիշները թեթեւ են, ու ինքն իրեն լավ է զգում։ Մարինը նշել է, որ հաճախակի ուղեւորությունների պատճառով պարբերաբար տնային թեստեր է անում։ Նա պարզաբանել է, որ շաբաթվա սկզբին իր թեստերը բացասական են եղել։
