Ռուսաստանը ողջունում է հայ-թուրքական հարաբերությունների կարգավորման գործընթացը։ Այս մասին հունիսի 9-ին լրագրողների հետ հանդիպման ժամանակ հայտարարել է աշխատանքային այցով Հայաստանում գտնվող ՌԴ ԱԳ նախարար Սերգեյ Լավրովը։
«Դա նաեւ պետք է նպաստի տարածաշրջանում իրավիճակի ընդհանուր բարելավմանը։ Նույնպիսին է մեր ընդհանուր կարծիքը հարավկովկասյան երեք երկրների եւ նրանց երեք հարեւանների մասնակցությամբ «3+3» տարածաշրջանային հարթակի ռիթմիկ աշխատանքի ապահովման անհրաժեշտության մասին։ Սա կարեւոր լրացուցիչ ալիք է տարածաշրջանի երկրների եւ նրանց հարեւանների միջեւ երկխոսության հաստատման եւ բազմակողմ համագործակցության զարգացման համար»,- ասել է ՌԴ ԱԳ նախարարը։
Եզրափակելով՝ արտգործնախարարը հայ գործընկերոջը հրավիրել է այցելել Ռուսաստանի Դաշնության ցանկացած քաղաք։
